Tuesday, 17 November 2026
Advertisement
MWSC — SmartMeter (leaderboard)
ދުނިޔެ

ޕާކިސްތާނުގެ ސަލާމަތީ ހާލަތު ނުރައްކާތެރި ހިސާބަށް ގޮސްފި

ޕާކިސްތާނުގެ ސަލާމަތީ ހާލަތު ނުރައްކާތެރި ހިސާބަށް ގޮސްފި

ޕާކިސްތާނުގެ ސަލާމަތީ ހާލަތު ވަރަށް ބޮޑަށް ގޯސްވެ، ނުރައްކާތެރި ހިސާބަކަށް ގޮސްފައިވާކަމަށް އެ ގައުމުގެ ޑިފެންސް ޖާނަލް އިން ރިޕޯޓުކޮށްފި އެވެ.

"ގްރީން ބުކް" ގެ ނަމުގައި ޝާއިއުކޮށްފައިވާ މި ރިޕޯޓުގައި ބުނީ ޕާކިސްތާނުގެ ސަލާމަތީ ކަންކަމަށް ބޮޑެތި ގޮންޖެހުންތަކެއް ކުރިމަތިވެފައިވާ ކަމަށެވެ.

މީގެ ތެރޭގައި އެތެރޭގެ ހަމަނުޖެހުންތަކާއި، އިގްތިސޯދީ ދަތިތަކާއި، އަދި ބޭރުގެ ނުފޫޒުތައް ހިމެނޭ ކަމަށް ރިޕޯޓުގައި ބުނެފައިވެ އެވެ.

Advertisement
Ooredoo — Truecaller (box)

ރިޕޯޓުގައި ފާހަގަކޮށްފައިވާ ގޮތުގައި، ޕާކިސްތާނުގެ އިންޑިއާއާ އޮތް ގުޅުން ވަރަށް ބޮޑަށް ގޯސްވެފައިވާ ކަމަށާއި، އަފްގާނިސްތާނުގެ ހާލަތު ހަމަޖެހުމަކަށް އައުމުގެ ކުރިން ޕާކިސްތާނުގެ ސަލާމަތީ ހާލަތު ރަނގަޅު ނުވާނެ ކަމަށް ބަޔާންކޮށްފައިވެ އެވެ.

މީގެ އިތުރުން، ޕާކިސްތާނުގެ އިގްތިސޯދީ ހާލަތު ދަށްވަމުން ދިއުމާއި، ސިޔާސީ ހަމަނުޖެހުންތައް އިތުރުވަމުން ދިއުމަކީ ވެސް ގައުމުގެ ސަލާމަތަށް ނުރައްކާވާ ކަންކަން ކަމަށް ރިޕޯޓުގައި ފާހަގަކޮށްފައިވެ އެވެ.

ޕާކިސްތާނުގެ ސަރުކާރުން މި ރިޕޯޓާ ގުޅޭ ގޮތުން އަދި އެއްވެސް ބަޔާނެއް ނެރިފައެއް ނުވެއެވެ.

ނަމަވެސް މި ރިޕޯޓަކީ ގައުމުގެ ސަލާމަތީ ހާލަތާ މެދު ކަންބޮޑުވުން އުފެދޭ ފަދަ ރިޕޯޓެއް ކަމަށް ސިޔާސީ ދާއިރާގެ ތަޖުރިބާކާރުން ވިދާޅުވެ އެވެ.

ރިއެކްޝަން

Advertisement
Allied Insurance — Square (box)

ކޮމެންޓް

މި ލިޔުމަށް ކޮމެންޓް ކުރުން ވަނީ ބަންދުކޮށްފައެވެ.