Monday, 16 November 2026
Advertisement
MWSC — SmartMeter (leaderboard)
ޚަބަރު

އިންޑިއާ އައުޓް ހިންގި މީހުން އިންޑިއާއަށް އޮޅުވާނުލެވޭނެ: ޔާމީން

އިންޑިއާ އައުޓް ހިންގި މީހުން އިންޑިއާއަށް އޮޅުވާނުލެވޭނެ: ޔާމީން

އިންޑިއާ އައުޓް ހަރަކާތަކީ ކުރީގެ ރައީސް އަބްދުﷲ ޔާމީން ހިންގެވިކަމެއް ކަމެއް ކަމަށް ބުނެ ފޮރިން މިނިސްޓަރު ޑރ. އަބްދުﷲ ހަލީލް ދެއްކެވި ވާހަކަތަކަށް ޔާމީން މިރޭ ރައްދު ދެއްވައިފި އެވެ.

ހަލީލް އިންޑިއާއަށް ކުރެއްވި ރަސްމީ ދަތުރުފުޅުގައި އިންޑިއާގެ "ވިއޯން" ނޫހަށް ދެއްވި އިންޓަވިއުއެއްގައި ވިދާޅުވީ އިންޑިއާ އައުޓް ހަރަކާތަކީ ޔާމީން ހިންގި ހަރަކާތަކަށް ވާތީ އާއި ޔާމީންއާ މި ސަރުކާރާ ގުޅުމެއް ނެތުމުން އިންޑިއާާއިން މިހާރު ކަންބޮޑުވާން ޖެހޭ ކަމެއް ނެތް ކަމަށެވެ.

އެ ވާހަކަތަކަށް އިޝާރާތް ކުރައްވައި ޔާމީންގެ ޕާޓީ، ޕީއެންއެފުން މިރޭ ބޭއްވި ޖަލްސާގައި އެމަނިކުފާނު ވިދާޅުވީ އިންޑިއާ އައުޓް ހަރަކާތަކީ އެމަނިކުފާނު އިސްނަންގަވައިގެން ހިންގެވި ހަރަކާތެއް ކަމަށެވެ. އެކަމާ ދެކޮޅު ނަހައްދަވާ ކަމަށް ވިދާޅުވި އެވެ. އަދި ރިޔާސީ ކެމްޕޭންގެ ތެރޭގައި ވެސް އެންމެ ބޮޑަށް މި ސަރުކާރުން ވިއްކި އެއްޗަކީ އިންޑިއާ އައުޓް ކެމްޕޭނު ކަމަށް ޔާމީން ވިދާޅުވި އެވެ.

Advertisement
Allied — Dhen Online (box)

އޭރު ޖަލު ހުކުމެއް ތަންފީޒު ކުރައްވަމުން ގެންދެވި ޔާމީން ވިދާޅުވީ އިންޑިއާ ދެކޮޅަށް އެންމެ ބޮޑަަށް އަޑުއުފުލީ މިހާރުގެ ރައީސް ޑރ. މުހައްމަދު މުއިއްޒުއާއި އޭރު އެކަމުގައި އުޅުއްވަމުން ދިޔަ އަދި މި ސަރުކާރުގެ އިސްވެރިން ކަމަށެވެ.

"ރައްޔިތުންގެ ކައިރީގައި އިންޑިއާ އައުޓްގެ ވާހަކަ ދައްކަމުން އިންޑިއާ ސިފައިން މިތަނުން ބޭލުމުގެ ވާހަކަ ދައްކަމުން އެ މުއިއްޒާއި މުއިއްޒާއެކު މަސައްކަތް ކުރި ޓީމު އެނގޭތޯ. މިއަދު އަދި ހަލީލު އެ ވާހަކަ ދެއްކިޔަސް އިންޑިއާ މީހުން ވަރަށް ހަނދާން ގަދަވާނެ އެނގޭތޯ" ޔާމީން ވިދާޅުވި އެވެ.

ހަމަ އެހެންމެ ހިތަދޫ މެދު ދާއިރާގެ ޕީއެންސީ މެންބަރު އަދި ކުރީގެ ނޫސްވެރިޔާ އަހުމަދު އަޒާން މަރުޒޫގަށް ވެސް ކުރިން ކަންކަން ހިނގާފައި އޮތް އެނގިލައްވާނެ ކަމަށް ވިދާޅުވި އެވެ.

"އަޒާންއަށް އެނގޭނެ އިންޑިއާ މީހުން ހަނދާން ގަދަވާނެ ސަބަބު. އަޒާން ވަރަށް ކައިރިން އެނގޭނެ އަޒާންގެ ވައިފް އިންޑިއާއަށް ދިޔައިމަ އޭނާއާ ދޭތެރޭ ކަންތައް ހިނގައި ދިޔަ ގޮތް. އަޒާން ކިޔައިދީފިއްޔާ ވަރަށް ރަނގަޅުވާނެ" ޔާމީން ވިދާޅުވި އެވެ.

ރިއެކްޝަން

Advertisement
Allied Insurance — Square (box)

ކޮމެންޓް

މި ލިޔުމަށް ކޮމެންޓް ކުރުން ވަނީ ބަންދުކޮށްފައެވެ.