Tuesday, 17 November 2026
Advertisement
STO — McCoy (leaderboard)
ޚަބަރު

ކެމްބްރިޖު މުގައްރަރަށް ކިޔަވައިދޭ ފޮތް ލިޔަން ފުރުސަތު ހުޅުވާލަނީ

ކެމްބްރިޖު މުގައްރަރަށް ކިޔަވައިދޭ ފޮތް ލިޔަން ފުރުސަތު ހުޅުވާލަނީ

ކެމްބްރިޖް އިންޓަނޭޝަނަލް (ސީއައިއޭ) ލެވެލްގެ ތައުލީމީ މާއްދާތަކަށް ފޮތް ލިޔުމުގެ ފުރުސަތު ދިވެހި މުދައްރިސުންނަށް ހުޅުވާލުމަށް ނިންމާފައިވާ ކަމަށް އެޑިޔުކޭޝަން މިނިސްޓަރު ޑރ އިސްމާއީލް ޝަފީއު ވިދާޅުވެއްޖެ އެވެ.

ފޭސްބުކް ގައި ކުރި ޕޯސްޓެއްގައި މިނިސްޓަރު ވިދާޅުވީ ރާއްޖޭގެ ސްކޫލުތަކުގައި ކެމްބްރިޖް އިންޓަނޭޝަނަލް (ސީއައިއޭ) އެގްޒަމިނޭޝަން ތައާރަފުކުރެވުނުތާ 23 އަހަރު ވެފައިވާއިރު، އެހާ ދިގު މުއްދަތެއް ފާއިތުވިއިރުވެސް ބޭނުންކުރެވެމުން އައީ ބޭރުން އެތެރެކުރެވޭ ފޮތްތައް ކަމަށެވެ. އަދި ދިވެހި މުދައްރިސުންގެ ކިބައިގައި ކެމްބްރިޖް އިމްތިހާނުގެ މުގައްރަރުތަކަށް ފެންވަރު ރަނގަޅު ފޮތްތަކާއި ޑިޖިޓަލް ކޮންޓެންޓު އުފެއްދުމުގެ ގާބިލުކަން ހުރި ކަމަށް މިނިސްޓަރު ގަބޫލުކުރައްވަ އެވެ.

ޝަފީއު އިތުރަށް ވިދާޅުވި ގޮތުގައި، މިހާރު ގިނަ ސްކޫލުތަކުގައި ދަރިވަރުން ބަރޯސާވަނީ ރާއްޖޭގެ މުދައްރިސުން ތައްޔާރުކޮށްދޭ ނޯޓުތަކަށެވެ. އަދި ބޭރުން ގަނެގެން މިހާރު ދެވޭ މަސައްކަތު ފޮތްތަކަށްވުރެ މާ ފެންވަރު ރަނގަޅު، ސީދާ އިމްތިހާނަށް އަމާޒުކުރެވިފައިވާ ފޮތްތައް ވެސް ރާއްޖޭގެ މުދައްރިސުން ތައްޔާރުކޮށްފައިވާކަން ފާހަގަކުރެއްވި އެވެ.

Advertisement
Allied — Dhen Online (box)

"އަންނަ ހަފްތާގައި ފޮތް ލިޔަން ޝައުގުވެރިވާ ފަރާތްތަކަށް ފުރުސަތު ހުޅުވާލާނެ އެވެ" މިނިސްޓަރުގެ ޕޯސްޓުގައި ވިދާޅުވިއެވެ. ފަރުދުންނަށާއި ޓީމުތަކަށް ފޮތްތަކާއި ޑިޖިޓަލް ކޮންޓެންޓު ތައްޔާރުކޮށް ވިއްކުމަށް ހުށަހެޅިދާނެ ކަމަށާއި، އެ މަސައްކަތުގައި ތަޖުރިބާހުރި މުދައްރިސުން އިސްނެންގެވުމަށް ވެސް މިނިސްޓަރު އިލްތިމާސްކުރެއްވި އެވެ.

އޭގެ ސަބަބުން ރާއްޖެއިން ބޭރުން ފޮތް ގަތުމަށް ކުރާ ހަރަދު ގައުމުގެ ތެރޭގައި ހިފެހެއްޓި، ފޮތް ލިޔުމުގެ ހުނަރުވެރިކަން އިތުރުވުމާއި، ސްކޫލުތަކުން ނޯޓު ޕްރިންޓުކުރުމަށް ކުރާ ހރަދު ކުޑަކުރެވޭނެ ކަމަށް ބެލެވޭ ކަމަށާއި، ތިމާވެށްޓާ ރައްޓެހި އާދަކާދަތައް އަށަގެންނެވުމަށް އިތުރު ބާރަކަށް ވާނެކަމަށް އޭނާ ފާހަގަކުރެއްވި އެވެ.

ރިއެކްޝަން

Advertisement
Allied Insurance — Square (box)

ކޮމެންޓް

މި ލިޔުމަށް ކޮމެންޓް ކުރުން ވަނީ ބަންދުކޮށްފައެވެ.