ޑިޖިޓަލް އަދި ތިމާވެށި ދާއިރާއިން އެސްޓޯނިއާގައި ދިވެހިން ތަމްރީނުކުރަން މަޝްވަރާކޮށްފި
އެސްޓޯނިއާގެ ޓާރުޓޫ ޔުނިވާސިޓީގައި ދިވެހީންނަށް މަތީ ތައުލީމާއި ތަމްރީނުގެ ފުރުސަތުތައް ހޯދުމަށް އެ ޔުނާވިސިޓީގެ ރެކްޓަރާ ބައްދަލުކުރައްވައި ރައީސް ޑރ. މުހައްމަދު މުއިއްޒު އެދިވަޑައިގެންފި އެވެ.
Ads by STELCO
އެސްޓޯނިއާއަށް ރައީސް މުއިއްޒު ކުރައްވާ ދަތުރުފުޅުގައި ޓާރުޓޫ ސިޓީގެ ޔުނިވާސިޓީގެ ރެކްޓަރާ ބައްދަލުކުރެއްވި ހަބަރާއެކު ރައީސް އޮފީހުން ބުނި ގޮތުގައި، ބޮޑަށް މަޝްވަރާކުރީ ހަތަރު ދާއިރާއަކުން ފުރުސަތު ހޯދުމަށެވެ.
އެއީ މެޑިސިން، ޑިޖިޓަލް، ތިމާވެށި އަދި ސައިންސް ދާއިރާއިންނެވެ.
ޔުނާވިސިޓީގެ މަންދޫބުން ވަނީ ލިބެން ހުރި ސްކޮލާޝިޕް ފުރުސަތުތަކާއި، ދެ ފަރާތުން ގުޅިގެން ކުރެވިދާނެ ކަންކަމުގެ މައުލޫމާތު ހުށަހަޅައިފަ އެވެ. އަދި އިލްމީ ރޮނގުން ގުޅުން ބަދަހިކުރުމަށް އިތުރަށް މަޝްވަރާކުރުމަށް، ޓާރްޓޫ ޔުނިވާސިޓީ އޮތީ ތައްޔާރަށްކަމަށް ވެސް ރައީސް އޮފީހުން ބުންޏެވެ.
Ads by Ooredoo
