ފުޓްބޯލް އެސޯސިއޭޝަން އޮފް މޯލްޑިވްސް (އެފްއޭއެމް) އަށް އެކި ފަރާތްތަކުން ދޭ ފައިސާއަށް އެ އެސޯސިއޭޝަންގެ އިސްވެރިން ހިޔާނާތްތެރިވެ، އެ އެސޯސިއޭޝަންގެ އިސްވެރިންނާއި އެސޯސިއޭޝަނާ ގުޅުން އޮންނަ ފަރާތްތަކަށާއި، ކުންފުނިތަކުގެ އެކައުންޓްތަކަށް ޖަމާކޮށް، ނަހަމަގޮތުގައި ބޭނުންކޮށް މަނީ ލޯންޑަރިންގެ އަމަލުތަކެއް ހިންގާކަމަށް ތުހުމަތުކުރެވޭ މައްސަލާގައި އިތުރު ބަޔަކަށް ދައުވާ އުފުލައިފި އެވެ.
ޕްރޮސެކިއުޓާ ޖެނެރަލްގެ އޮފީހުން ކްރިމިނަލް ކޯޓަށް މައްސަލަ ހުށަހަޅާފައި ވަނީ އާދިއްތަ ދުވަހު އެވެ.
އެ އޮފީހުން އިއްޔެ ނެރުނު ބަޔާނެއްގައިވާ ގޮތުން ދައުވާ އުފުލާފައިވަނީ:
- ގއ. ގެމަނަފުށި، ފެހިކުރި، މުހައްމަދު އަގީލް (އެފްއޭއެމްގެ އެކައުންޓްސް ޑިޕާޓްމަންޓްގެ ކުރީގެ ހެޑް)
- މ. ހިރިނައިދޫ، ހަސަން ވަހީދު
އަގީލް އާއި ވަހީދުގެ އިތުުރުން އަމީން ކޮންސްޓްރަކްޝަނަށް އުފުލާފައިވަނީ މަނީ ލޯންޑާކުރުމަށް އެހީތެރިވުމުގެ ކުށުގެ ދައުވާ އެވެ.
އެތަނުން އަގީލަށް އުފުލި
ދައުވާގައިވާ ގޮތުން ޖެނުއަރީ 26، 2021 ގައި އަމީން ކޮންސްޓްރަކްޝަންގެ އަމީން އެވެނިއު އެޕާޓްމަންޓް ގަތުމަށް އެފްއޭއެމްގެ އެކައުންޓުގައިވާ ފައިސާއިން އަމީން ކޮންސްޓްރަކްޝަނަށް ފައިސާ ދެއްކުމަށްޓަކައި، ޗެކު ތައްޔާރުކޮށްދިނީ އަގީލް އެވެ.
އޭޕްރީލް 14، 2021 ގައި އެ ޗެކު މެދުވެރިކޮށް އަމީން ކޮންސްޓްރަކްޝަނަށް 1,000,000 ޑޮލަރު އޭނާ ޖަމާކުރި ކަމަށް ދައުވާގައި ބުންޏެވެ. އެ ފައިސާއަކީ ޑޮލަރު ވިއްކުމުގެ މުއާމަލާތެއްކަމުގައި ދެއްކުމުގެ ގޮތުން އެ ޑޮލަރަށްވާ ދިވެހި ރުފިޔާ އެފްއޭއެމްއަށް ނުލިބެނީސް، އަމީން ކޮންސްޓްރަކްޝަނުން އެފްއޭއެމަށް، 15،420،000ރ ލިބުނުކަމަށް ސްޓޭމްޕް ޖަހައި ސޮއިކޮށް އެ ލިޔުންތައް އަގީލް ތައްޔާރުކޮށްފައިވެ އެވެ.
އެފްއޭއެމްގެ އެކި މަގާމުތައް އަދާކޮށްފައިވާ ވަހީދަށް އުފުލި ދައުވާގައިވާ ގޮތުން
އެފްއޭއެމްގެ އެކައުންޓުގެ ޗެކެއް މެދުވެރިކޮށް ޖެނުއަރީ 10، 2021 ގައި ޗެކްމާކް ކުންފުންޏަށް އެއްލައްކަ ޑޮލަރު ދޫކުރުމުގެ ކަންކަން އިންތިޒާމްކުރީ ވަހީދެވެ.
އެ ފައިސާއަށްވާ -/1،542،000ރ އެފްއޭއެމްއަށް ދެއްކުމުގެ ގޮތުން ޗެކްމާކް ކުންފުންޏާއި އައިއެސް އެންޓަޕްރައިޒަސްއިން ދޫކުރި ޗެކުތަކުގައިވާ ފައިސާ އަމީން ކޮންސްޓްރަކްޝަންއަށް ޖަމާކުރުމަށް ބޭންކް އޮފް ސިލޯނަށް އިރުޝާދުދީ، އެ ފައިސާ އަމީން ކޮންސްޓްރަކްޝަންއަށް ޖަމާކުރުމަށް އެހީތެރިވެދީފައިވާ ކަމަށް ދައުވާގައި ބުންޏެވެ.
އޭގެ އިތުރުން ޖެނުއަރީ 19، 2021 ގައި ހިންގި މުއާމަލާތެއްގައި އެފްއޭއެމްގެ އެކައުންޓުގެ ޗެކު މެދުވެރިކޮށް ޕްރޯ ސިނަޖީ މެޑިކަލް ސިސްޓަމްސް އަށް100,000 ޑޮލަރު ދޫކުރުމުގެ ކަންކަން އިންތިޒާމުކުރީ ވަހީދު ކަމަށް ދައުވާގައި ބުންޏެވެ. އެ ފައިސާއަށްވާ -/1،542،500ރ އެފްއޭއެމަށް ދެއްކުމުގެ ގޮތުން ޕްރޯ ސިނަޖީ މެޑިކަލް ސިސްޓަމްސްއިން ދޫކުރި ޗެކުގައިވާ ފައިސާ އަމީން ކޮންސްޓްރަކްޝަނަށް ޖަމާކުރުމަށް ބޭންކް އޮފް ސިލޯނަށް އިރުޝާދުދީ، އެ ފައިސާ އަމީން ކޮންސްޓްރަކްޝަނަށް ޖަމާކުރުމަށް އޭނާ އެހީވެދިން ކަމަށް ދައުވާގައި ބުންޏެވެ.
ކޮމެންޓް