ކުރިއަށް އޮތް ދެ އަަހަރުވެސް ގައުމީ ދުވަސް އުތީމުގައި ފާހަގަކުރަން ރައީސް ނިންމަވައިފި
ކުރިއަށް އޮތް ދެ އަހަރުވެސް ގައުމީ ދުވަސް ހއ. އުތީމުގައި ފާހަގަކުރަން ރައީސް ޑރ. މުހައްމަދު މުއިއްޒު ނިންމަވައިފި އެވެ.
ރައީސް މުއިއްޒު މިއަދު ހަވީރު އުތީމަށް ވަޑައިގެން ވިދާޅުވީ ދިވެހީންގެ ނެޝެނަލް އައިޑެންޓިޓީ ހިމާޔަތްކުރާނަމަ އުތީމު ގަނޑުވަރު ބަލަހައްޓަން ވަރަށް ބޮޑަށް އިސްކަންދޭން ޖެހޭ ކަމަށެވެެ.
އެހެން ނަމަވެސް އެ ގަނޑުވަރު ބަލަހައްޓަން މިހާތަނަށް އެކަށީގެންވާ މަސައްކަތްތަކެއް ކޮށްފައި ނުވާ ކަމަށް ވެސް ރައީސް ވިދާޅުވި އެވެ.
އަދި ކުރީގެ ސަރުކާރުތަކުން ގައުމީ ދުވަސް ފާހަގަކުރި ގޮތާ ތަފާތުކޮށް އެ ދުވަސް ފާހަގަކުރަން ގަސްދުކުރައްވާ ކަމަށް ވެސް ވިދާޅުވި އެވެ.
އެގޮތުން ކުރީގެ ސަގާފަތަކީ ކޮންމެ ދައުރެއްގައި ވެސް އާދައިގެ ބަޖެޓަކުން ގައުމީ ދުވަސް ކޮންމެވެސް އެއް އަަހަރު އުތީމުގައި ފާހަގަ ކުރުން ކަމަށް ރައީސް ވިދާޅުވި އެވެ.
ނަމަވެސް އެމަނިކުފާނުގެ ވިސްނުން ތަފާތުކަން ފާހަގަކުރައްވައި ރައީސް ވިދާޅުވީ އެމަނިކުފާނުގެ ވިސްނުން ހުރީ އެކަން މަޝްރޫއެއްގެ ގޮތުގައި އެކަން ކުރިއަށް ގެންދަން ކަމަށެވެ.
އެ މަޝްރޫއުގެ ތެރެއިން ގައުމީ ވިސްނުމެއްގައި ކުރިއަށް ގެންދެވިދާނެ އެކި ކަހަލަ ޕްރޮގްރާމްތައް ކުރިއަށް ގެންދަން ގަސްދުކުރައްވާ ކަމަށް ވެސް ރައީސް ވިދާޅުވި އެވެ.
"މިހާތަނަށް ސަރުުކާރުތަކުން ނުދޭ ސަމާލުކަމެއް ދީގެން އެއީ ބަޖެޓުގެ ގޮތުން ކަމުގައި ވިޔަސް އަދި އެހެނިހެން ވަސީލަތްތަކުގެ ގޮތުން ކަމަށް ވިޔަސް ދީގެން ޖެހި ޖެހިގެން ދެ އަހަރު މި އަހަރާއި އަދި މި އަންނަ އަހަރު ގައުމީ ދުވަސް ގައުމީ ފެންވަރެއްގައި މި ރަށުގައި ފާހަގަކުރަން" ރައީސް ވިދާޅުވި އެވެ.
Ads by STO
