އިތުރު ފަސް ގައުމަކަށް ނޮން-ރެސިޑެންޓް ސަފީރުން އައްޔަންކުރަން މަޖިލިހަށް ފޮނުވައިފި
ރާއްޖެއިން ބުރުނާއީއަށާއި ލަގްޒަމްބާގާއި ނެދަލޭންޑްސްއަށާއި ފްރާންސް އަދި އޮސްޓްރޭލިއާއަށް ނޮން-ރެސިޑެންޓް ސަފީރުން އައްޔަންކުރެއްވުމަށް ރައްޔިތުންގެ މަޖިލިހުގެ ރުހުން ހޯދުމަށް ހަތަރު ބޭފުޅެއްގެ ނަން ފޮނުއްވައިފި އެވެ.
Ads by STELCO
ފަސް ގައުމަކަށް ނޮން-ރެސިޑެންޓް ސަފީރުން އައްޔަންކުރުމަށް ރުހުން ހޯދުމަށް ހުސްވި ހަފުތާގައި މަޖިލިހަށް ވަނީ ފޮނުއްވާފަ އެވެ. އެއީ ބޫޓާނާއި ކުވައިތާއި ސްވިޒަލޭންޑާއި ކެނެޑާގެ އިތުރުން މިސްރަށެވެ.
ނޮން-ރެސިޑެންޓް ސަފީރުންގެ ގޮތުގައި ކަނޑައެޅުމަށް އެދިވަޑައިގެން ހަތަރު ބޭފުޅުންގެ ނަމާ އެކު، މަޖިލިހަށް ރައީސް ޑރ. މުހައްމަދު މުއިއްޒު ފޮނުއްވި ސިޓީފުޅު މިއަދުގެ ޖަލްސާގައި ވަނީ އިއްވާފަ އެވެ. އެ ސިޓީފުޅުގައި ހުށަހެޅުއްވި ނަންތަކަކީ:
- ރާއްޖޭން ބުރުނާއީއަށް ކަނޑައަޅާ ނޮން-ރެސިޑެންޓް ސަފީރަކަށް - ރާއްޖޭން މެލޭޝިއާއަށް ކަނޑައަޅުއްވާފައި ހުންނަވާ ސަފީރު ޑރ. މަރްޔަމް ޝަބީނާ އަހްމަދު
- ރާއްޖޭން ލަގްޒަމްބާގާއި ނެދަލޭންޑްސްއަށް ކަނޑައަޅާ ނޮން-ރެސިޑެންޓް ސަފީރަކަށް - ރާއްޖޭން ބެލްޖިއަމްއަށް ކަނޑައަޅުއްވާފައި ހުންނަވާ ސަފީރު ގީލާ އަލީ
- ރާއްޖޭން ފްރާންސްއަށް ކަނޑައަޅާ ނޮން-ރެސިޑެންޓް ސަފީރަކަށް - ރާއްޖޭން އިނގިރޭސިވިލާތަށް ކަނޑައަޅުއްވާފައި ހުންނަވާ ސަފީރު އިރުތިޝާމް އާދަމް
- ރާއްޖޭން އޮސްޓްރޭލިއާއަށް ކަނޑައަޅާ ނޮން-ރެސިޑެންޓް ސަފީރަކަށް - ރާއްޖޭން ސިންގަޕޫރަށް ކަނޑައަޅުއްވާފައި ހުންނަވާ ސަފީރު މުހައްމަދު ލުވޭޒު
މައްސަލަ ދިރާސާ ކުރުމަށް މަޖިލިހުގެ ހާރިޖީ ގުޅުންތަކާ ބެހޭ ކޮމިޓީއަށް ވަނީ ފޮނުވާފަ އެވެ.
Ads by STO
