Sunday, 15 November 2026
Advertisement
MWSC — SmartMeter (leaderboard)
ޚަބަރު

މަޖިލިސް މެމްބަރުންތަކެއް ގާނޫނީ ދާއިރާއިން ކިޔަވަން ފަށައިފި

މަޖިލިސް މެމްބަރުންތަކެއް ގާނޫނީ ދާއިރާއިން ކިޔަވަން ފަށައިފި

އިސްލާމިކް ޔުނިވާސިޓީ އޮފް މޯލްޑިވްސް (އައިޔޫއެމް) އިން ޝަރީއަތާއި ގާނޫނުގެ ދާއިރާއިން ރައްޔިތުންގެ މަޖިލީހުގެ މެންބަރުން މަތީ ތައުލީމަށް ތަމްރީނު ކުރުމުގެ ޕްރޮގްރާމެއް އިއްޔެ ފަށައިފި އެވެ.

މަޖިލީހުގެ އިދާރާއިން މިއަދު ބުނީ އައިޔޫއެމްއާ މަޖިލީހާ ގުޅިގެން އިއްޔެ ފަށާފައިވަނީ އެޑްވާންސްޑް ސެޓްފިކެޓް އިން ޝަރީއާ އެންޑް ލޯގެ ކޯހެއް ކަމަށެވެ.

އެއް އަހަރު ދުވަހުގެ މުއްދަތަށް ހިންގުމަށް ހަމަޖެހިފައިވާ ކޯހުގައި ބައިވެރިވާ މަޖިލީހުގެ މެންބަރުންނާއި މަޖިލީހުގެ އިދާރާގެ އިސްވެރިންނާއި ޔުނިވާސިޓީގެ އިސްވެރިން އަދި ކޯހުގައި ކިޔަވައިދެއްވާ ލެކްޗަރަރުންނާއެކު އިއްޔެ އައިޔޫއެމްގެ އިދާރާގައި ހާއްސަ ބައްދަލުވުމެއް ބާއްވާފައިވެ އެވެ.

Advertisement
Allied Insurance — Square (box)

އެބައްދަލުވުމުގައި މަޖިލީހުގެ ރައީސް އަބްދުއްރަހީމް އަބްދުﷲ ބައިވެރިވެވަޑައިގެންނެވި އެވެ. އައިޔޫއެމް ގައި ބޭއްވުނު ބައްދަލުވުމުގައި އަބްދުއްރަހީމް ވިދާޅުވީ އެފަދަ ކޯހެއް މެންބަރުންނަށް ހިންގަވައިދެއްވުމަށް އެދިވަޑައިގެންނެވި މައިގަނޑު ބޭނުމަކީ 20 ވަނަ ރައްޔިތުންގެ މަޖިލީހަކީ މަތީ ތައުލީމު ހާސިލުކޮށްފައިވާ އިލްމީގޮތުން ގާބިލު މެންބަރުންތަކެއް ތިބި އަދި އިލްމީ މަސައްކަތްތަކެއް ކުރާ ނަމޫނާ މަޖިލީހެއްގެ ގޮތުގައި ހެއްދެވުމަށް ބޭނުންވާތީ ކަމަށެވެ.

އަދި އެކަމަކީ ރައީސް ޑރ މުހައްމަދު މުއިއްޒުވެސް ވަރަށް ބޮޑަށް އެދިވަޑައިގެންނެވި ކަމެއްކަން މަޖިލީހުގެ ރައީސް ފާހަގަކުރެއްވި އެވެ. އެހެންކަމުން މެންބަރުންގެ ތަޢުލީމާއި ގުޅޭ މިފަދަ ފުރުސަތެއް ފެށުމުގައި ރައީސް ދެއްވި ލަފާފުޅާއި، ބެހެއްޓެވި ޝައުގުވެރިކަމަށްޓަކައި ރައީސް ޝުކުރުއަދާކުރެއްވި އެވެ.

[caption id="attachment_270964" align="aligncenter" width="1024"]<img class="wp-image-270964 size-large" src="https://cdn.dhen.mv/wp-content/uploads/2025/02/WhatsApp-Image-2025-02-18-at-06.53.36_04369c39-1024x768.jpg" alt="" width="1024" height="768" /> އައިޔޫއެމްއާ އެކު މަޖިލީހުން ބޭއްވި ބައްދަލުވުމުގެ ތެރެއިން/ ފޮޓޯ: މަޖިލީސް އިދާރާ[/caption]

އިއްޔެގެ ބައްދަލުވުމަކީ ކޯހުގައި ކިޔެވުމަށް އެންރޯލް ކުރެއްވި މަޖިލީހުގެ މެންބަރުންނަށް ކޯހާ ބެހޭ ގޮތުން އަދި ކިޔެވުމުގެ ކަންކަން ކުރިއަށްދާ ގޮތާ ބެހޭގޮތުން މައުލޫމާތު ދިނުމަށް ބޭއްވުނު ބައްދަލުވުމެކެވެ.

އެޑްވާންސްޑް ސެޓްފިކެޓް އިން ޝަރީއާ އެންޑް ލޯ ގެ 1 އަހަރުދުވަހުގެ ކޯހުގައި ޖުމުލަ 8 މެންބަރަކު ބައިވެރިވެވަޑައިގަންނަވަ އެވެ.

އެ ބައްދަލުވުމުގައި އައިޔޫއެމްގެ ވަގުތީ ހިންގުމާ ހަވާލުވެހުންނެވި ޑެޕިއުޓީ ވައިސް ޗާންސެލާ އަހުމަދު އަމީން ވިދާޅުވީ ކޯހުގެ ކިޔެވުން ކުރިއަށް ގެންދާނީ މޯލްޑިވްސް ކޮލިފިކޭޝަން އޮތޯރިޓީއާއި ރާއްޖޭގެ ބާ ކައުންސިލުން އެކަށައަޅުއްވާފައިވާ ކޮލިޓީ އެޝުއަރެންސް މިންގަނޑުތަކާ އެއްގޮތަށް ކަމަށެވެ.

އައިއެމްޔޫގެ ޑެޕިއުޓީ ވައިސް ޗާންސެލާ ޑރ. އާއިޝަތު ވަހީދާއާއި ރަޖިސްޓްރާ އަހުމަދު ރައޫފް އަބްދުﷲ ވަނީ ދަރިވަރުން ސަމާލުކަން ދޭންޖެހޭ ކަންކަމުގެ މައްޗަށް އަލިއަޅުވާލައްވާފަ އެވެ.

ޝަރީއަތާއި ގާނޫނުގެ ދާއިރާއިން މެންބަރުންނަށް ބެޗްލާ ޑިގްރީ ކޯހެއްވެސް ދާދިއަވަހަށް ފެށުމުގެ އިދާރީ މަސައްކަތްތަކެއް ކުރިއަށް ގެންދޭ އެވެ.

ރިއެކްޝަން

Advertisement
Ooredoo — Truecaller (box)

ކޮމެންޓް

މި ލިޔުމަށް ކޮމެންޓް ކުރުން ވަނީ ބަންދުކޮށްފައެވެ.