ވައިގެ މަގުން އެތެރެކުރަން އުޅުނު ދެހާހަށް ވުރެ ގިނަ ވޭޕްކުރާ ސާމާނު އަތުލައިގެންފި

ވައިގެ މަގުން ސިއްރުން ރާއްޖެއަށް އެތެރެކުރަން އުޅުނު ދެހާހަށް ވުރެ ގިނަ ވޭޕް އާއި ވޭޕްކުރަން ބޭނުންކުރާ ސާމާނު އަތުލައިގެންފި އެވެ.

Ads by MPL

މޯލްޑިވްސް ކަސްޓަމްސް ސާވިސްއިން މިއަދު ބުނީ އެ ތަކެތި އަތުލައިގަތީ މެލޭޝިއާއިން އިއްޔެ ރާއްޖެ އައި ތިން ޕަސެންޖަރެއްގެ ލަޖެޖުގައި ވޭޕް އާއި ވޭޕްކުރަން ބޭނުންކުރާ ސާމާނު ފޮރުވާފައިވާ ކަމަށް ޝައްކު ކުރެވިގެން އިތުރަށް ބަލައި ފާސްކުރުމުގެ ތެރެއިން ކަމަށެވެ.

ކަސްޓަމްސްއިން އަތުލައިގެންފައި ވަނީ ވޭޕް އާއި ވޭޕްކުރަން ބޭނުންކުރާ ސާމާނު ހިމެނޭހެން 2،062 އައިޓަމެކެވެ. އޭގެ ތެރޭގައި ހިމެނެނީ:

• ނެނޯ ސްޓިކް - 1،714
• ޓެރިއާ ސްޓިކް - 200
• ކެލިބަން ކާޓްރިޖް - 96
• ވީޓޭޖް ކާޓްރިޖް - 50
• ވޭޕް ފްލޭވަ ލިކުއިޑް (ފުޅި) - 2

ކަސްޓަމްސްއިން ދަނީ މި މައްސަލަ އިތުރަށް ތަހުގީގު ކުރަމުންނެވެ.