Sunday, 15 November 2026
Advertisement
Ooredoo — Airfibre (leaderboard)
ޚަބަރު

ލިވަޕޫލް އާ ގުޅިގެން ކުރިއަށް ގެންދާ ރާއްޖޭގެ ޓޫރިޒަމް ކެމްޕެއިން ރަސްމީކޮށް ފަށައިފި

ލިވަޕޫލް އާ ގުޅިގެން ކުރިއަށް ގެންދާ ރާއްޖޭގެ ޓޫރިޒަމް ކެމްޕެއިން ރަސްމީކޮށް ފަށައިފި

އިނގިރޭސިވިލާތުގެ މަޝްހޫރު ފުޓްބޯޅަ ކްލަބު، ލިވަޕޫލް ފުޓްބޯލް ކްލަބް (އެލްއެފްސީ) ގެ އޮފިޝަލް ޓޫރިސްޓް ޑެސްޓިނޭޝަން ޕާޓްނަރެއްގެ ގޮތުގައި ރާއްޖެ އިޝްތިހާރު ކުރުމުގެ ކެމްޕެއިން ރަސްމީކޮށް ފަށައިފި އެވެ.

<span class="" data-bm="210">ޔޫއެފާ ޗެމްޕިއަންސް ލީގު ހަ ފަހަރު އަދި އިނގިރޭސި ލީގު ދެ ވަނައަށް އެންމެ ގިނައިން ކާމިޔާބުކޮށްފައިވާ ލިވަޕޫލް</span><span class="" data-bm="212">ގެ </span><span class="" data-bm="214">އޮފިޝަލް </span><span class="" data-bm="216">ޓޫރިސްޓް </span><span class="" data-bm="218">ޑެސްޓިނޭޝަން</span> <span class="" data-bm="220">ޕާޓްނަރުގެ</span> <span class="" data-bm="222">ގޮތުގައި</span> މޯލްޑިވްސް މާކެޓިން އެންޑް ޕަބްލިކް ރިލޭޝަންސް ކޯޕަރޭޝަން (އެމްއެމްޕީއާރުސީ)<span class="" data-bm="224"> އަދި ވިޒިޓް </span><span class="" data-bm="226">މޯލްޑިވްސް</span><span class="" data-bm="228">އިން </span><span class=" " data-bm="230">ޕާޓްނާޝިޕް </span><span class=" tta_align" data-bm="232">އިއުލާނުކުރީ </span><span class="" data-bm="234">މިދިޔަ </span><span class="" data-bm="236">މާޗް </span><span class="" data-bm="238">މަހުގެ</span> <span class="" data-bm="240">13</span> <span class="" data-bm="242">ވަނަ</span> <span class="" data-bm="244">ދުވަހު</span> <span class="" data-bm="246">އެވެ.</span>

ލިވަޕޫލްގެ ސްޓޭޑިއަމް، އެންފީލްޑްގައި ރޭ އެ ކްލަބުން އެވަޓަން އާ ބައްދަލުކުރި މެޗުގައި ރާއްޖޭގެ ޓޫރިޒަމް ޕްރޮމޯޓްކުރުމުގެ ކެމްޕެއިން ވަނީ ރަސްމީކޮށް ފަށާފަ އެވެ. ކެމްޕެއިން ފެށި ރަސްމިއްޔާތުގައި ރައީސް ޑރ. މުހައްމަދު މުއިއްޒު ބައިވެރިވެ ވަޑައިގެންނެވި އެވެ.

Advertisement
HDC — Sidebar (box)

https://twitter.com/presidencymv/status/1907582978907320720

ލިވަޕޫލް އާއެކު އެކުލަވާލި ޕާޓްނާޝިޕްގެ ދަށުން ތިން އަހަރާއި ހަ މަސް ދުވަހުގެ ބައިނަލްއަގުވާމީ ކެމްޕެއިނެއް ކުރިއަށް ގެންދާނެ އެވެ. މި ކެމްޕެއިނުގެ ދަށުން ބްރޭންޑް ވާސިލުވާ މިންވަރު އިތުރުކުރުމާއި ރާއްޖެ އަންނަ ޓޫރިސްޓުންގެ އަދަދު އިތުރުކުރުމުގެ އިތުރުން ރާއްޖެއަށް މުހިންމު އިގުތިސޯދީ މަންފާތައް ހޯދޭނެ މަގުފަހިވެގެންދާނެ އެވެ.

ޕާޓްނާޝިޕްގެ ދަށުން މިިދިޔަ ބުރާސްފަތި ދުވަހު ވިޒިޓް މޯލްޑިވްސްއިން ވަނީ އިނގިރޭސިވިލާތުގައި ފުޅާ ދާއިރާއެއްގައި އައުޓްޑޯ ކެމްޕެއިނެއް ފަށާފަ އެވެ. ތިން މަސް ދުވަހުގެ މި ކެމްޕެއިނުގެ ދަށުން އިނގިރޭސިވިލާތުގެ މުހިންމު ބައެއް ސަރަހައްދުތަކުގައި އައުޓްޑޯ އަދި ޑިޖިޓަލް އެޑްވަޓައިޒިންގެ މަސައްކަތްތައް ކުރިއަށް ގެންދިއުމަށް ވަނީ ހަމަޖެހިފަ އެވެ. އެގޮތުން ލަންޑަންގެ 100 ޓެކްސީއެއްގަ އާއި ބަސްތަކާއި ލަންޑަން އަންޑަގްރައުންޑާއި އެއާޕޯޓުތަކާ އަދި ބިޒްނަސް ކްލާސް ލައުންޖުތަކުގައި ވިޒިޓް މޯލްޑިވްސް ބްރޭންޑް ގިނަ އަދަދެއްގެ ބަޔަކަށް އިޝްތިހާރު ކުރެވިގެންދާނެ އެވެ.

އޭގެ އިތުރުން ޕްރިމިއާ ލީގް މެޗުތައް އެންފީލްޑްގައި ކުޅޭ ދުވަސްތަކުގައި ސްޓޭޑިއަމްގައި ލެޑް ސައިނޭޖް ދައްކައި، ލިވަޕޫލްގެ ރަސްމީ ލުއިފޮތްތަކާއި ޔޫރަޕުގެ އެކި ސަރަހައްދުތަކުގައި ހުންނަ ބިލްބޯޑުތަކުގައި ރާއްޖޭގެ ބްރޭންޑް އިޝްތިހާރުކޮށް، ބައިނަލްއަގުވާމީ ފެންވަރެއްގައި ޓޫރިޒަމް ކުރިއަރުވަން މަސައްކަތްކުރާނެ އެވެ.

މި ކެމްޕެއިން ފެއްޓެވުމަށް އިނގިރޭސިވިލާތަށް ރައީސް ކުރައްވާ ދަތުރުފުޅުގައި ޓޫރިޒަމް އެންޑް އެންވަޔަރަންމަންޓް މިނިސްޓަރު ތޯރިގު އިބްރާހީމާއި ސްޕޯޓްސް ފިޓްނަސް އެންޑް ރެކްރިއޭޝަން މިނިސްޓަރު އަބްދުﷲ ރާފިއު އާއި އެމްއެމްޕީއާރުސީގެ މެނޭޖިން ޑިރެކްޓަރު އިބްރާހީމް ޝިއުރީގެ އިތުރުން ސަރުކާރުގެ ބައެއް އިސްވެރިން ބައިވެރިވެ ވަޑައިގަންނަވަ އެވެ.

ރިއެކްޝަން

Advertisement
Ooredoo — Truecaller (box)

ކޮމެންޓް

މި ލިޔުމަށް ކޮމެންޓް ކުރުން ވަނީ ބަންދުކޮށްފައެވެ.