ޚަބަރު

އެމްޑީޕީގެ ރިޔާސީ ޓިކެޓްއަށް ޝަމްހީދު ޝައުގުވެރިކަން ފާޅުކުރަައްވައިފި

އިބްރާހީމް ހަމީޒް ، ދެން އޮންލައިން
ހުޅުމާލެ ދެކުނު ދާއިރާގެ އެމްޑީޕީ މެމްބަރު ޑރ. އަހްމަދު ޝަމްހީދު/ ފޮޓޯ: މަޖިލީސް

2028 ވަނަ އަހަރު ބާއްވާ ރިޔާސީ އިންތިހާބުގައި ވާދަކުރެއްވުމަށް އެމްޑީޕީގެ ޕްރައިމަރީގައި ވާދަކުރުމުގެ ޝައުގުވެރިކަން ހުޅުމާލެ ދެކުނު ދާއިރާގެ އެމްޑީޕީ މެމްބަރު ޑރ. އަހްމަދު ޝަމްހީދު ފާޅުކުރައްވައިފި އެވެ.

Ads by STELCO

ޝަމްހީދު "ދެން" އަށް ވިދާޅުވީ ޕްރައިމަރީގައި ވާދަކުރުމަށް މިހާރު ދިރާސާތައް ކުރަމުންދާ ކަމަށެވެ. އެެހެން ނަމަވެސް އަދި އެކަން އިއުލާން ނުކުރާ ކަމަށް ވެސް އޭނާ ވިދާޅުވި އެވެ.

އިތުރު ތަފްސީީލެއް އޭނާ ނުދެއްވަ އެވެ.

އެމްޑީޕީގެ ޕްރައިމަރީގައި ވާދަކުރައްވާނެކަން މިހާތަނަށް އިއުލާންކުރައްވާފައި ވަނީ އެ ޕާޓީގެ ޗެއާޕާސަން ފައްޔާޒް އިސްމާއިލް އެކަންޏެވެ.

އެހެން ނަމަވެސް އަޑުތައް ފެތުރިފައިވާ ގޮތުން ކުރީގެ ރައީސް އިބްރާހިމް މުހައްމަދު ސޯލިހުއާއި އެމްޑީޕީގެ ރައީސް އަބްދުﷲ ޝާހިދުވެސް ޕްރައިމަރީގައި ވާދަކުރައްވަން ޝައުގުވެރިކަން އެބަ އޮތެވެ. ނަމަވެސް ދެ ބޭފުޅުން ވެސް އެކަން ފާޅުގައި އިއުލާނެއް އަދި ނުކުރައްވަ އެވެ.

ރައީސް ސޯލިހު ކުރިން ވިދާޅުވި ގޮތުން 2028 ވަނަ އަހަރުގެ އިންތިހާބަށް ކުރިމަތިލުމަށް އެމްޑީޕީގެ 5 ވަރަކަށް ކެނޑިޑޭޓުން ޝައުގުވެރިކަން ފާޅުކޮށްފައިވާ ކަމަށެވެ.

Ads by HDC