އިމުގާގެ ނަމުގައި ފޭކު ވެބްސައއިޓްތަކެއް ހަދައިގެން އުޅޭތީ ސަމާލުވާން އިލްތިމާސްކޮށްފި
ރާއްޖެ އެތެރެވުމުގެ ކުރިން އެތެރެވާ މީހާއާ ބެހޭ މައުލޫމާތު ފުރުމަށް ބޭނުންކުރާ "އިމުގާ"ގެ ނަމުގައި ފޭކު ވެބްސައިޓްތަކެއް ހަދައިގެން ދައުރުކުރަމުންދާތީ ސަމާލުވުމަށް މޯލްޑިވްސް އިމިގްރޭޝަނުން އިލްތިމާސްކޮށްފި އެވެ.
Ads by STELCO
އިމިގްރޭޝަނުން މިއަދު އެކްސްގައި ބުނީ "އިމުގާ" ގެ ނަމުގައި ހަދައިގެން އުޅޭ ފޭކު ވެބްސައިޓްތަކުން ފައިސާވެސް ނަގަމުންދާ ކަމަށެވެ.
އެހެން ނަމަވެސް އިމުގާ ފޯމަކީ ހިލޭ ފުރޭއެއްޗެއްކަން އިމިގްރޭޝަނުން ހަނދާން ކޮށްދިނެވެ.
އެހެންވެ "ތިންވަނަ ޕާޓީ" ވެބްސައިޓްތައް އިމުގާ ފޯމު ފުރަން ބޭނުން ނުކުރުމަށާއި އަދި އެކަމަށް އިމިގްރޭޝަންއިން ބޭނުންކުރާ އަސްލު ވެބްސައިޓް ބޭނުންކުރަން ވަނީ އިލްތިމާސްކޮށްފަ އެވެ.
މީގެ ކުރިން ރާާއްޖޭގެ ބޭންކެއްގެ ފޭކު ވެބްްސައިޓެއް ހަދައިގެން ވެސް ސްކޭމްތައް ހިންގާފައިވެ އެވެ.
Ads by STO
