Tuesday, 17 November 2026
Advertisement
HDC — Share-Below (leaderboard)
ޚަބަރު

4000 ފްލެޓުގެ މަސައްކަތް ރައީސް ބައްލަވާލައްވައިފި

4000 ފްލެޓުގެ މަސައްކަތް ރައީސް ބައްލަވާލައްވައިފި

ނިމިގެން ދިޔަ ސަރުކާރުގައި ގެދޮރުވެރިޔާ ސްކީމްގެ ދަށުން އިމާރާތްކުރަން ފެށި 4000 ފްލެޓުގެ މަސައްކަތްތައް ރައީސް ޑރ. މުހައްމަދު މުއިއްޒު މިއަދު ބައްލަވާލައްވައިފި އެވެ.

ރައީސް އޮފީހުން ބުނީ އެ ފްލެޓްތައް ހިމެނޭ ސަރަހައްދަށް ރައީސް ކުރެއްވި ޒިޔާރަތުގައި ފްލެޓުތަކުގެ ނިމިފައިވާ މަސައްކަތްތަކާ ގުޅޭ އެންމެ ފަހުގެ މައުލޫމާތު ރައީސްއަށް އަރުވާފައިވާ ކަމަށެވެ.

ރައީސްގެ އެ ޒިޔާރަތުގައި އިކޮނޮމިކް މިނިސްޓަރު މުހައްމަދު ސައީދުގެ އިތުރުން ހެލްތު މިނިސްޓަރު އަބްދުﷲ ނާޒިމްވެސް ބައިވެރިވެލެއްވި އެވެ.

Advertisement
Ooredoo — Square (box)

https://twitter.com/presidencymv/status/1935675396047200375

މިދިޔަ މޭ މަހުގެ 29 ވަނަ ދުވަހު ހައުސިން މިނިސްޓަރު ޑރ. އަބްދުﷲ މުއްތަލިބު ވިދާޅުވީ މިނިސްޓަރު އެހާތަނަށް ނިމިފައިވަނީ އެންމެ 1000 ފްލެޓު ކަމަށެވެ. އަދި އެ 1000 ފްލެޓަށް ފެނާއި ނަރުދަމާ ކަރަންޓު ފޯރުކޮށްދިނުމުގެ މަސައްކަތް ކުރަމުންދާ އިރު ޖުލައި މަހަށް ހިދުމަތްތައް ފޯރުކޮށްދެވިގެންދާނެ ކަމަށް އުއްމީދުކުރަމުންދާ ކަމަށް ވެސް އޭނާ ވިދާޅުވި އެވެ.

މިނިސްޓަރު އޭރު އިތުރަށް ވިދާޅުވީ ޖުލައި މަހުގެ ނިޔަލަށް އިތުރު 1000 ފްލެޓް ނިންމާ އަދި ސެޕްޓެމްބަރުގެ ނިޔަލަށް 4000 ފްލެޓްގެ މަސައްކަތް އެއްކޮށް ނިންމަން ވެސް މަސައްކަތް ކުރަމުންދާ ކަމަށެވެ.

މި ސަރުކާރުން މިހާރު ވަނީ ކުރީ ސަރުކާރުން 2023 ވަނަ އަހަރު ނެރުނު ފްލެޓް ލިބޭ މީހުންގެ ލިސްޓުގައި ހިމެނޭ މީހުންގެ ތެރެއިން ޝަރުތު ހަމަވާ ފަރާތްތަކަށް ފްލެޓްތައް ދޭން ވެސް ނިންމާފަ އެވެ.

ރިއެކްޝަން

Advertisement
HDC — Sidebar (box)

ކޮމެންޓް

މި ލިޔުމަށް ކޮމެންޓް ކުރުން ވަނީ ބަންދުކޮށްފައެވެ.