Tuesday, 17 November 2026
Advertisement
MWSC — SmartMeter (leaderboard)
ޚަބަރު

ބިން ހިއްކުމަށް ވުރެ ހަނިފަރުން ދޮންފަނަށް ފައިދާ މާ ބޮޑު: ނަޝީދު

ބިން ހިއްކުމަށް ވުރެ ހަނިފަރުން ދޮންފަނަށް ފައިދާ މާ ބޮޑު: ނަޝީދު

ބިން ހިއްކުމަށް ވުރެ ހަނިފަރުން ދޮންފަނަށް ލިބޭނެ ފައިދާ މާ ބޮޑުކަމަށް ކުރީގެ ރައީސް މުހައްމަދު ނަޝީދު ވިދާޅުވެއްޖެ އެވެ

ދޮންފަނުގެ ބިން ހިއްކުމުގެ މަޝްރޫއު ސަރުކާރުން އެމްޓީސީސީއާ ހަވާލުކުރީ މީގެ ތިން ހަފްތާ ކުރިން ނެވެ. އެ މަޝްރޫއުގެ ދަށުން 13 ހެކްޓަރުގެ ބިން ހިއްކާނެ އެވެ.

ނަމަވެސް ދޮންފަނުގެ ބިން ހިއްކުމުން އެތަނާކައިރިގައި އޮންނަ ހިމާޔަތްކޮށްފައިވާ ބަޔޯސްފިޔާ ރިޒާވްގައި ވެސް ހިމެނޭ ހަނިފަރުގެ ސަރަހައްދުގެ ތިމާވެއްޓަށް ބޮޑެތި އަސަރުތަކެއް ކުރާނެކަމަށް ތިމާވެށީގެ ހައްގުގައި މަސައްކަތް ކުރާ ފަރާތްތަކުން ދަނީ ބުނަމުން ނެވެ.

Advertisement
Ooredoo — Square (box)

ހުދު ރައީސް ނަޝީދު އެކަމުގެ ކަންބޮޑުވުން ފާޅުކުރައްވައި އެކްސްގައި މިއަދު ވިދާޅުވީ ހަނިފަރުގެ ސަރަހައްދަކީ މިހާރު މުޅި ދުނިޔޭގައި ވެސް ފަތުރުުވެރިންގެ މެދުގައި މަޝްހޫރު ތަނެއް ކަމަށެވެ.

އެހެންކަމުން ބިން ހިއްކައިގެން ހަނިފަރުގެ ސަރަހައްދަށް ތިމާވެށީގެ ގޮތުން ނޭދެވޭ އަސަރުކުރުމަަށް ފުރުސަތު ދިނުމަށް ވުރެ އެތަން މިހާރު ވެސް އޮތް ގޮތަށް ބާއްވައިގެން ދޮންފަނުގެ ރައްޔިތުންނަށް ލިބޭ އާމްދަނީ މާބޮޑުވާނެ ކަމަށެވެ.

ދޮންފަނުގެ ބިން ހިއްކުމާ ދެކޮޅަށް ޕެޓިޝަނެއްގައި ވެސް މިހާރު ސޮއިކުރަން ވަނީ ފަށައިފި އެވެ.

"ޗޭންޖު އޯގް" ވެބްސައިޓުގައިވެސް ޝާއިއުުކޮށްގެން ސޮއި ހޯދަމުންދާ އެ ޕެޓިޝަނަކީ ރާއްޖޭގައި ތިމާވެށީގެ ހައްގުގައި މަސައްކަތް ކުރަމުންދާ ޖަމިއްޔާއެއް ކަމަށްވާ  ރެސިލިއަންސް މޯލްޑިވްސްއިން ހުށަހަޅައިގެން ކުރިއަށް ގެންދާ ޕެޓިޝަނެކެވެ.

3500 އަށް ވުރެ ގިނަ މީހުން މިހާތަނަށް ސޮއިކޮށްފައިވާ އެ ޕެޓިޝަނުގައި ބުނެފައިވާ ގޮތުގައި ދޮންފަނުގެ ބިން ހިއްކުމުން އެތަނާކައިރިގައި އޮންނަ ހިމާޔަތްކޮށްފައިވާ ބަޔޯސްފިޔާ ރިޒާވްގައި ވެސް ހިމެނޭ ހަނިފަރުގެ ސަރަހައްދުގެ ތިމާވެއްޓަށް ބޮޑެތި އަސަރުތަކެއް ކުރާނެ އެވެ.

https://twitter.com/MohamedNasheed/status/1964627098246803463

އެގޮތުން ބިން ހިއްކުމުން އެ ސަރަހައްދުގައި އޮއި ދެމޭ ގޮތް ބަދަލުވެ އެ ސަރަހައްދު ކިސަޑުވެ އެ ތަނުފައި ދިރިއުޅޭ މަންތާ ރޭއާއި ވޭލް ޝާކުގެ ވެއްޓަށް ބޮޑެތި އަސަރުތަކެއް ވެސް ކުރާނެ އެވެ.

ހަމަ އެހެންމެ ޓޫރިޒަމްއާއި މަސްވެރިކަމަކީ ވެސް ކަނޑުގެ ދިރުންތަކުން ނަފާ ހޯދާ ދާއިރާތަކަަކަށް ވާތީ އެ ދާއިރާތަކަށް ވެސް އަސަރުކުރާނެ ކަމަށް ޕެޓިޝަންގައި ބުނެފައި ވެއެވެ.

އެހެންވެ ހަނިފަރު ހިއްކުމުގެ މަޝްރޫއާމެދު ސަރުކާރުން އަލުން ވިސްނުމަށް ވެސް ޕެޓިޝަންގައި ގޮވާލައިފައި ވެއެވެ.

 

ރިއެކްޝަން

Advertisement
Allied — Dhen Online (box)

ކޮމެންޓް

މި ލިޔުމަށް ކޮމެންޓް ކުރުން ވަނީ ބަންދުކޮށްފައެވެ.