Tuesday, 17 November 2026
Advertisement
Ooredoo — Airfibre (leaderboard)
ޚަބަރު

ދަރަނި ރީސްޓްރަކްޗާ ނުކުރާ އެހެން ގައުމުތައް ވެސް ނޭޕާލަށް ވީހެން ވެދާނެ: ނަޝީދު

ދަރަނި ރީސްޓްރަކްޗާ ނުކުރާ އެހެން ގައުމުތައް ވެސް ނޭޕާލަށް ވީހެން ވެދާނެ: ނަޝީދު

ދަރަނި ރީސްޓްރަކްޗާ ނުކުރާ އެހެން ގައުމުތައް ވެސް ނޭޕާލަށް ވީހެން ވެދާނެކަމަށް ކުރީގެ ރައީސް މުހައްމަދު ނަޝީދު ދެއްވައިފި އެވެ.

ނޭޕާލްގައި ސޯޝަލް މީޑިއާގެ ބައެއް ޕްލެޓްފޯމުތައް މަނާކުރަން ނިންނި ނިންމުމާ ގުޅިގެން އެ ގައުމުގައި ވަރުގަދަ މުޒާހަރާތަކެއް ދަނީ ކުރަމުން ނެވެ. އަދި ސަރުކާރުގެ ބައެއް އިމާރާތްތަކުގައި ރޯކޮށް ބޮޑެތި ގެއްލުންތަކެއް ވެސް ދަނީ ދެމުން ނެވެ. އެއާއެކު ސަރުކާރު ވެސް މިހާރު ވަނީ އިސްތިއުފާ ދީފަ އެވެ.

އެ ހަމަނުޖެހުންތަކާ ގުޅިގެން ރައީސް ނަޝީދު އެކްސްގައި މިއަދު ވިދާޅުވީ ކޮރަޕްޝަނާއި، ކަންކަން ރަނގަޅަށް މެނޭޖުނުކުރެވުމާއި ދަރަނި އިންތިހާއަށް އިތުރުވުމާ ގުޅިގެން ސަރުކާރަކަށް ފަހު ސަރުކާރަކަށް ލޮޅުން އަރަމުންދާ ކަމަށެވެ.

Advertisement
Allied — Dhen Online (box)

https://twitter.com/MohamedNasheed/status/1965727089614782753

އަދި ތަރައްގީވަމުން އަންނަ ގައުމުތަކުން ދަރަނި ރީސްޓްރަޗާ ނުކުރެވި  ގައުމުތަކުގެ ހިންގުން ރަނގަޅުކޮށްފިނަމަ މިހާޜަށް ވުރެ ގިނަ ގައުމުތަކުގައި ވެސް މުޒާހަރާތައް ފެށޭނެ ކަމަށް ނަޝީދު ވިދާޅުވި އެވެ.

"ދުނިޔެއިން އެބަ ޖެހޭ މިކަމަށް ހޭލަން ނޫނީ ޖެހޭނީ ހަމަނުޖެހުންތަކާ ކުރިމަތިލާން" ނަޝީދު ވިދާޅުވި އެވެ.

ދަރަނީގެ ކަންބޮޑުބުން ރައީސް ނަޝީދު ފާހަގަކުރެއްވި އިރު ރާއްޖޭގެ ދަރަނި މިހާރު ވަނީ ވަރަށް ބޮޑަށް އިތުރުވެފަ އެވެ.

ރާއްޖެ ބަނގުރޫޓްވެދާނެ ކަމުގެ އިންޒާރު ބައިނަލްއަގުވާމީ ބައެއް ފަރާތްތަކުން ދިން ނަމަވެސް ސަރުކާރުން ބުނަމުންދަނީ އެފަދަ ބިރެއް ނެތް ކަމަށެވެ.

މި އަހަރު ވެސް ބޮޑެތި އަދަދުތަކުން ދަރަނި ދައްކަން ޖެހޭ އިރު އަންނަ އަހަރު ވެސް ރެކޯޑް އަދަދެއްގެ ދަރަނި ރާއްޖެއިން ދައްކަން ޖެހޭނެ އެވެ.

ރާއްޖެއިން މިހާރު އެންމެ ބޮޑަށް ދަރާފައިވާ ގައުމަކީ އިންޑިއާ އެވެ.

ރިއެކްޝަން

Advertisement
Allied Insurance — Square (box)

ކޮމެންޓް

މި ލިޔުމަށް ކޮމެންޓް ކުރުން ވަނީ ބަންދުކޮށްފައެވެ.