ވަޒީފާތަކާއި އެޕްރެންޓިސްގެ ފުރުސަތުތައް ހިމެނޭ "ވަރަ އެކްސްޕޯ"ފަށައިފި
ވަޒީފާތަކާއި އެޕްރެންޓިސްގެ ފުރުސަަތުތައް ހިމެނޭ "ވަރަ އެކްސްޕޯ" މިއަދު ފަށައިފިއެވެ.
ހަޔާ އެޑިއުކޭޝަން މިނިސްޓްރީން އިންތިޒާމްކޮށްގެން އަންނަ ހޮނިހިރު ދުވަހުގެ ނިޔަލަށް ކުރިއަށްގެންދާ އެ އެކްސްޕޯ ފެށީ މިއަދު ހަވީރު، ހުޅުމާލޭ ސެންޓްރަލް ޕާކުގައެވެ.
އެކްސްޕޯ ހުޅުވައިދެއްވީ ފަސްޓް ލޭޑީ ސާޖިދާ މުހައްމަދުއެވެ.
މިއަދުގެ ރަސްމިއްޔާތުގައި މެޑަމް ސާޖިދާ ވަނީ ފާއިތުވި ދެ އަހަރު ހަޔާ އެޑިއުކޭޝަން މިނިސްޓްރީން ކޮށްފައިވާ ކާމިޔާބު މަސައްކަތްތައް ދައްކުވައިދޭ ހާއްސަ ފޮތް، "ކުރިމަގަށް ތައްޔާރު ދިވެހިރާއްޖެ- ތައުލީމާއި ތަމްރީނުގެ އާ ޒަމާނެއް"ވެސް ނެރެދެއްވައިފައެވެ.
އެ އެކްސްޕޯގައި، ތައުލީމާއި، ތަމްރީނާއި، ހުނަރާ ގުޅުން ހުރި މުއައްސަސާތަކާއި ވަޒީފާގެ ބާޒާރުގައި ހަރަކާތްތެރިވާ ފަރާތްތައް ހިމެނޭހެން 166 ފަރާތަކުން ބައިވެރިވެއެވެ.
އެ އެކްސްޕޯ މެދުވެރިކޮށް، ވަޒީފާއާއި ދަސްވާރުކަމުގެ ފުރުސަތުތައް ވަނީ ހުޅުވައިލައިފައެވެ.
އޭގެ އިތުރުން، ވަޒީފާގެ ބާޒާރާއި، ތަޢުލީމާއި، ތަމްރީނާ ގުޅުން ހުރި މަސައްކަތުބައްދަލުވުންތަކާއި ޕެނަލް ޑިސްކަޝަންތައް ވެސް އެ އެކްސްޕޯގައި ކުރިއަށް ގެންދިއުމަށް ވަނީ ހަމަޖެހިފައެވެ.
މިއަދު ފެށީ. ނިމެނީ ކޮން ދުވަހަކު؟ ކިތައް ދުވސހަށް އޮންނަނީ؟ ޚަބަރު ލިޔަން ހަމަ މޮޅީ