Sunday, 15 November 2026
Advertisement
Ooredoo — Article-Top (leaderboard)
ޚަބަރު

ޑްރަގު ފެނުނު ބޯޓުގެ މައްސަލައިގައި ލަންކާއިން ރާއްޖެއަށް ފުލުހުންނާއި ސިފައިން ފޮނުވަނީ

ޑްރަގު ފެނުނު ބޯޓުގެ މައްސަލައިގައި ލަންކާއިން ރާއްޖެއަށް ފުލުހުންނާއި ސިފައިން ފޮނުވަނީ

ރާއްޖޭގެ ކަނޑުގެ ސަރަހައްދުން އަތުލައިގަތް ސްރީލަންކާއަށް ނިސްބަތްވާ ބޯޓަކުން 300ކިލޯއެއްހައި މަސްތުވާތަކެތި ފެނުނު މައްސަލައިގައި ލަންކާއިން ސިފައިންނާއި ފުލުހުން ފޮނުވަން ނިންމައިފިއެވެ.

ލަންކާ ސަރުކާރުގެ އެ ނިންމުން ލަންކާގެ ނޫސްތަކުގައި ރިޕޯޓްކޮށްފައި ވެއެވެ.

ލަންކާގެ ޕަބްލިކް ސެކިއުރިޓީގެ މިނިސްޓަރު އަނަންދާ ވިޖެޕާލާއާ ހަވާލާދީ އެ ގައުމުގެ ނޫސްތަކުގައި ރިޕޯޓްކޮށްފައި ވަނީ ސިފައިންނާއި ފުލުހުން ފޮނުވަނީ ރާއްޖޭގެ މުއައްސަސާތަކަށް އެ މައްސަލައިގެ ތަހުގީގު ހިންގުމަށް އެހީތެރިކަން ފޯރުކޮށްދިނުމުގެ ގޮތުން ކަމަށެވެ.

Advertisement
Ooredoo — Truecaller (box)

އެ ބޯޓު އަތުލައިގަތް އިރު އޭގައި ތިބީ ލަންކާގެ ހަ މީހެކެވެ. އެ މީހުން މިހާރު ފުލުހުންނާ ހަވާލުކޮށްފައިވާ ކަމަށް އެމްއެންޑީއެފުން މިރޭ ބުނެފައި ވެއެވެ. ނަމަވެސް އެ މީހުންގެ މައުލޫމާތެއް ފުލުހުން އަދި ހާމައެއް ނުކުރެއެވެ.

ދިވެހި ފުލުހުން މި ކަމާ ގުޅޭ ގޮތުން އަދި ރަސްމީކޮށް އެއްވެސް ވާހަކައެއް ނުދައްކައެވެ. އެ ބޯޓުން 300 ކިލޯގެ މަސްތުވާތަކެތި ފެނުނުކަން އެނގުނީ ވެސް ލަންކާގެ ނޫސްތަކުން ރިޕޯޓްކުރުމުންނެވެ.

ރިއެކްޝަން

Advertisement
Ooredoo — Truecaller (box)

ކޮމެންޓް

މި ލިޔުމަށް ކޮމެންޓް ކުރުން ވަނީ ބަންދުކޮށްފައެވެ.