ކޮވިޑް-19 އާއެކު ރާއްޖޭގެ އިގްތިސޯދު 51 އިންސައްތަ ދަށަށް
ކޮވިޑް-19 ގެ ސަބަބުން އަޅާފައިވާ ފިޔަވަޅުތަކާއި ގުޅިގެން ރާއްޖޭގެ އިގްތިސޯދު 51 އިންސައްތަ ދަށް ވެއްޖެއެވެ.
ނޭޝަނަލް ބިޔުރޯ އޮފް ސްޓެޓިސްޓިކްސް އިން ނެރުނު މި އަހަރުގެ ދެވަނަ ކުއާޓާގެ ތަފާސް ހިސާބުތައް ދައްކާ ގޮތުގައި މިދިޔަ އަހަރުގެ ދެ ވަނަ ކުއާޓާ އާ އަޅާ ބަލާއިރު ރާއްޖޭގެ ޖީޑީޕީ ނުވަތަ އުފެއްދުންތެރިކަން ވަނީ 51 ޕަސަންޓު ދަށްވެފައެވެ.
ޖީޕީޑީ ދަށްވެފައިވާއިރު، ފަތުރުވެރިކަން ވެސް ވަނީ ފަތުރުވެރިކަމުގެ ދާއިރާ ވަނީ 25.5 ޕަސަންޓު ފަހަތަށް ގޮސްފައެވެ.
ކޯވިޑް-19 ގެ ޙާލަތުން އަރައިގަތުމަށް ކުރާ މަސައްކަތްތަކަށް އެހީވުމަށް ޖަޕާނުން ރާއްޖެއަށް ދޭ 47.5 މިލިއަން ޑޮލަރުގެ ލޯނު އެހީގެ އެއްބަސްވުމުގައި ސޮއި ކުރުމުގެ ރަސްމިއްޔާތުގައި ފިނޭންސް މިނިސްޓަރު އިބްރާހިމް އަމީރު ވަނީ ރާއްޖޭގެ އިގްތިސޯދަށް ނޭދެވޭ އަސަރުކޮށްފައިވާ ކަން ފާހަގަކުރައްވާފައެވެ.
އެގޮތުން މިނިސްޓަރު ވިދާޅުވީ ކޮވިޑް-19 އާ ގުޅިގެން ސަރުކާރަށް ލިބޭ އާމްދަނީ 51 އިންސައްތަ ދައްވާނެ ކަމަށެވެ.
