Saturday, 14 November 2026
Advertisement
STO — McCoy (leaderboard)
ރައްޔިތުންގެ މަޖިލިސް

މަޖިލީހުގެ އިޖުތިމާއީ ކޮމެޓީއިން އަސްމާ ވަކިކޮށްފި

މަޖިލީހުގެ އިޖުތިމާއީ ކޮމެޓީއިން އަސްމާ ވަކިކޮށްފި

ރައްޔިތުންގެ މަޖިލީހުގެ މާފަންނު މެދު ދާއިރާގެ މެންބަރު އަސްމާ ރަޝީދު، އިޖުތިމާއީ ކޮމެޓީގެ މުގައްރިރު ކަމުންނާއި އެ ކޮމެޓީން ވަކިކޮށްފިއެވެ.

މަޖިލީހުގެ މިއަދުގެ ޖަލްސާ ފައްޓަވަމުން، ރިޔާސަތުގައި އިންނެވި މަޖިލީހުގެ ރައީސް އަބްދުއްރަހީމް އަބްދުالله ވިދާޅުވީ އިޖުތިމާއީ ކޮމެޓީގައި އަސްމާގެ ބަދަލުގައި ދެން އިންނަވާނީ ދުވާފަރު ދާއިރާގެ މެންބަރު މުހައްމަދު އަލީ ކަމަށެވެ.

އިޖުތިމާއީ ކޮމެޓީން އަސްމާ ވަކިކޮށްފައި މި ވަނީ، ރައީސް ޑރ. މުހައްމަދު މުއިއްޒު މާފަންނު ރައްޔިތުންނާ އެކު ބާއްވާ ބައްދަލުވުމުގައި، ރައްޔިތުން ކުރަން ބޭނުންވާ ސުވާލުތައް އޭނާއަށް ފޮނުވަން އެންގި މައްސަލަ ހޫނުވެފައި ވަނިކޮށެވެ.

Advertisement
HDC — Sidebar (box)

އެކަމާ ގުޅިގެން، ރައީސް އޮފީހުގެ ތަރުޖަމާނު ހީނާ ވަލީދު ވިދާޅުވެފައި ވަނީ، ރައީސް ރައްޔިތުންނާ ބައްދަލުކުރައްވާ އިރު، ސުވާލުތައް ފޮނުވަން ނުޖެހޭނެ ކަމަށާއި، އެ މީހަކު ބޭނުންވާ ސުވާލެއް ނުވަތަ ހިޔާލެއް ސީދާ ރައީސްއަށް ހުށަހެޅުމުގެ ފުރުސަތު ލިބޭނެ ކަމަށެވެ.

އޭގެ ފަހުން އަސްމާ ވަނީ އެކަމާ ގުޅިގެން މައާފަށް ވެސް އެދިވަޑައިގެންފައެވެ. މިދިޔަ ހުކުރު ދުވަހު އޭނާ ނެރުއްވި ބަޔާނެއްގައި ވިދާޅުވީ، ސުވާލު ފޮނުވަން އެދުނީ ރައީސްގެ ބައްދަލުވުމަށް ނުދެވޭ ރައްޔިތުންނަށް ވެސް ސުވާލު ކުރުމުގެ މަގުފަހިކޮށްދިނުމަށް ކަމަށެވެ.

ރިއެކްޝަން

Advertisement
Ooredoo — Truecaller (box)

ކޮމެންޓް

މި ލިޔުމަށް ކޮމެންޓް ކުރުން ވަނީ ބަންދުކޮށްފައެވެ.