މަހަށް ނިކުމެ އުޅެނިކޮށް އޮޔާދިޔަ ދޯންޏެއް، 10 މީހުންނާ އެކު ސަލާމަތްކޮށްފި

މަހަށް ނިކުމެ އުޅެނިކޮށް އޮޔާދިޔަ ފުވައްމުލަކު ދޯންޏެއް ސަލާމަތްކޮށްފިއެވެ.

Ads by STELCO

ފުލުހުން ބުނީ ފުވައްމުލައް ސިޓީން މަސްބާނަން ނިކުމެ އުޅުނު 'ސަވާރީ' ނަމަކަށް ކިޔާ ދޯނީގެ އިންޖީނު ހުއްޓި، އޮޔާދާކަމުގެ މައުލޫމާތު މިއަދު ހަވީރު ހަތަރެއް ޖަހާއެހާއިރު ލިބިފައިވާ ކަމަށެވެ. އަދި އެ މައުލޫމާތު ފުވައްމުލައް ސިޓީ ފުލުހުންނަށް ލިބުމާ އެކު، ފުލުހުން އެސަރަހައްދަށް ގޮސް ދޯނިން ދަތުރު ކުރި މީހުންގެ ތެރެއިން 10 މީހުން ފުލުހުންގެ ލޯންޗުގައި ފުވައްމުލަކަށް ގެންގޮސްފައިވާ ކަމަށް ވެސް ފުލުހުން ބުނެއެވެ.

އެ 10 މީހުންގެ ތެރޭގައި، 7 އަންހެނުންނާއި ކުޑަކުއްޖަކު ހިމެނެއެވެ. އެ އެންމެންގެ ހާލު ވެސް ރަނގަޅުކަމަށް ފުލުހުން ބުނެއެވެ.

ފުލުހުން ބުނީ، އެހެން ދޯންޏެއްގެ އެހީތެރިކަމާ އެކު އޮޔާ ދިޔަ ދޯނި މިހާރު ފުވައްމުލަކަށް ގެނެސްފައިވާ ކަމަށެވެ.