Tuesday, 17 November 2026
Advertisement
STO — McCoy (leaderboard)
ރައްޔިތުންގެ މަޖިލިސް

އައްޑޫގެ މަޝްރޫއުތަކާ ގުޅޭ ގޮތުން މިނިސްޓަރު މުއްތަލިބު މަޖިލީހަށް ހާޒިރުކުރަނީ

އައްޑޫގެ މަޝްރޫއުތަކާ ގުޅޭ ގޮތުން މިނިސްޓަރު މުއްތަލިބު މަޖިލީހަށް ހާޒިރުކުރަނީ
ސަރުކާރުން އައްޑޫސިޓީގައި ކުރިއަށްގެންދަން ނިންމައިފައިވާ އެއްވެސް މަޝްރޫއެއް ކުރިއަށް ނުދަނީ ކައުންސިލާއި މަޖިލީސް މެންބަރުން އެއްބާރުލުން ނުދޭތީތޯ ސުވާލުކުރުމަށް ހައުސިން އެންޑް ކޮންސްޓްރަކްޝަން މިނިސްޓަރު ޑރ. އަބްދުالله މުއްތަލިބު ރައްޔިތުންގެ މަޖިލީހަށް ހާޒިރުކުރުން ހުށަހަޅައިފިއެވެ. މިނިސްޓަރު މުއްތަލިބާ ސުވާލު ކުރުމަށް މަޖިލީހަށް ހާޒިރުކޮށްދިނުމަށް އެދި ހުށަހެޅުއްވީ އައްޑޫ މީދޫ ދާއިރާގެ މިނިވަން މެންބަރު، އަބްދުއްރަޙުމާނެވެ. އޭނާ ހުށަހަޅުއްވައިފައި ވަނީ މިނިސްޓަރާ 2 ސުވާލެއް ކުރުމަށެވެ. އެއީ؛
  1. އައްޑޫ މީދޫގައި ސަރުކާރުން ހިންގަން ނިންމާފައިވާ މަޝްރޫއުތަކާއި ރައީސް ޑރ. މުހައްމަދު މުއިއްޒު އެރަށަށް ވަޑައިގެން ފައްޓަވާފައިވާ މަޝްރޫއުތަކުގެ އިތުރުން މުޅި އައްޑޫއަށް ވެފައިވާ ވައުދުތަކުގެ ތެރެއިން އެއްވެސް ކަމެއް ނުހިނގަނީ އައްޑޫ ކައުންސިލް ނުވަތަ އައްޑޫއަށް ނިސްބަތްވާ މަޖިލީސް މެންބަރުންގެ އެއްބާރުލުން ލިބިނުލައްވާތީތޯ؟
  2. މި ކަންކަން ފަށައިގަނެވޭނީ ކައުންސިލް އަދި މަޖިލީސް މެންބަރުން ކޮންކަމެއް ކޮށްދެއްވީމަތޯ؟
ސުވާލު ހުށަހަޅުއްވަމުން އައްދުއްރަހްމާން ވިދާޅުވެފައި ވަނީ މިއީ އައްޑޫސިޓީގެ ރައްޔިތުން ޖަވާބު ބޭނުންވާ ސުވާލުތަކެއް ކަމަށެވެ. އެ ސުވާލުކުރަނީ ރައްޔިތުން އެދިގެންކަން ވެސް ފާހަގަކުރައްވާފައިވެއެވެ. ރަށްރަށުގައި ހިންގާ ތަރައްގީގެ މަޝްރޫއުތަކަށް ބައެއް ކައުންސިލްތަކުން އެއްބާރުލުން ނުދޭ ކަމަށް ރައީސް މީގެ ކުރިން ވަނީ ތަކުރާރުކޮށް ވިދާޅުވެފައެވެ.

ރިއެކްޝަން

Advertisement
Ooredoo — Truecaller (box)

ކޮމެންޓް

މި ލިޔުމަށް ކޮމެންޓް ކުރުން ވަނީ ބަންދުކޮށްފައެވެ.