Tuesday, 17 November 2026
Advertisement
Allied Insurance (leaderboard)
ޚަބަރު

ދެކުނު އޭޝިއާގެ ބައިނަލްއަގުވާމީ ކޮންފަރެންސްއެއްގައި ހަޔާ އެޑިއުކޭޝަން މިނިސްޓްރީން ބައިވެރިވެއްޖެ

ދެކުނު އޭޝިއާގެ ބައިނަލްއަގުވާމީ ކޮންފަރެންސްއެއްގައި ހަޔާ އެޑިއުކޭޝަން މިނިސްޓްރީން ބައިވެރިވެއްޖެ

ދެކުނު އޭޝިއާގެ ބައިނަލްއަގުވާމީ ކޮންފަރެންސްއެއްގައި ރާއްޖޭގެ ހަޔާ އެޑިއުކޭޝަން މިނިސްޓްރީން ބައިވެރިވެއްޖެއެވެ.

ރާއްޖެއިން ބައިވެރިވީ ބަނގްލަދޭޝްގެ ޑާކާގައި ބޭއްވި "ސައުތް އޭޝިޔާ ރީޖަނަލް ކޮންފެރެންސް އޮންދަ ސްޓޭޓް އޮފް ހަޔަރ އެޑިޔުކޭޝަން އެންޑް ފިޔުޗަރ ޕާތްވޭ" (ސަރޗް 2026)ގެ ކޮންފަރެންސްގައެވެ.

އެކި ގައުމުތަކުގެ އިސްބޭފުޅުން ބައިވެރިވި މި ކޮންފެރެންސްގައި، މަތީ ތައުލީމީ ދާއިރާގެ މުސްތަގުބަލް ބިނާކުރުމުގައި، ދިރާސާކުރުމާއި، އުފެއްދުންތެރިކަމާއި، ދެމެހެއްޓެނިވި ތަރައްގީ އަދި އިޖުތިމާއީގުޅުން ބަދަހިކުރުމުގެ މުހިއްމުކަމާ ގުޅޭގޮތުން މަޝްވަރާކުރިކަމަށް ހަޔާ އެޑިއުކޭޝަން މިނިސްޓްރީން ބުންޏެވެ.

Advertisement
Ooredoo — Square (box)

އެ ކޮންފަރެންސްގައި، ރާއްޖޭގެ ހަޔާ އެޑިއުކޭޝަންގެ ސްޓޭޓް މިނިސްޓަރު ފާތިމަތު މުހައްމަދު ވަނީ ރާއްޖެ ތަމްސީލުކުރައްވައި ހިތާބުދެއްވައިފައެވެ. އެ ހިތާބުގައި އެކަމަނާ ވަނީ ދެކުނު އޭޝިޔާގެ ހުރިހާ ގައުމުތަކާ ގުޅިގެން އިލްމީ މަސައްކަތްތަކާއި ދިރާސާގެ އަލީގައި މަތީ ތައުލީމީ ދާއިރާއަށް ކުރިއެރުން ހޯދައިދިނުމަށް ކުރެވެން ހުރި މަސައްކަތްތަކުގެ މައްޗަށް އަލިއަޅުވާލައްވައިފައެވެ.

އެ ކޮންފަރެންސްގައި މޯލްޑިވްސް ކުއަލިފިކޭޝަންސް އޮތޯރިޓީ (އެމްކިޔުއޭ)ގެ ސީއީއޯ މަރްޔަމް ފިޒާނާ ރަޝީދު ވެސް ބައިވެރިވަޑައިގެންނެވިއެވެ.

ރިއެކްޝަން

Advertisement
Ooredoo — Square (box)

ކޮމެންޓް

މި ލިޔުމަށް ކޮމެންޓް ކުރުން ވަނީ ބަންދުކޮށްފައެވެ.