އެއާޕޯޓުގައި މާރާމާރީ ހިންގި ދެ ބިދޭސީއަކު ހައްޔަރުކޮށްފި
ވެލާނާ އިންޓަނޭޝަނަލް އެއާޕޯޓުގައި މާރާމާރީ ހިންގި ދެ ބިދޭސީއަކު ހައްޔަރުކޮށްފި އެވެ.
ކްރިމިނަލް ކޯޓުން މިރޭ ނެރުނު ބަންދު އަމުރުގައިވާ ގޮތުން އެ މައްސަލައިގައި ހައްޔަރުކުރީ ލަންކާއަށް ނިސްބަތްވާ ދެ މީހުން ނެވެ. އެއީ ޕްރިޔަންތަ ސިލްވަ ދެވަނިއްތިގެ(46އ.) އަދި ތިލަކް ސޮމަޗަންދުރަ މައްޑެތަލެށެ(43އ.) އެވެ.
ބަންދު އަމުުރުގައިވާ ގޮތުން އެއާޕޯޓުގައި އެ މާރާމާރީ ހިންގިއިރު އާންމުންގެ ގިނަ ބަޔަކުވެސް ތިބި ކަމަށެވެ.
އެ ދެ މީހުންވެސް މާރާމާރީ ހިންގީ އޭގެ ނިޔަތުގައި ނޫން ކަމަށާއި ދެ މީހުންނަކީވެސް ޒިންމާދާރު ވަޒީފާއެއްގައި އުޅޭ ދެ މީހުންކަމަށް ބުނެފައިވާ ކަމަށް ބަންދު އަމުރުގައި ބުނެފައި ވެއެވެ.
ނަމަވެސް ގާޒީ ނިންމާފައިވަނީ ދެ މީހުން ވެސް 15 ދުވަހަށް ބަންދުކުރުމަށެވެ.
އެ ދެމީހުން މާރާމާރީ ހިންގި ސީސީޓީވީ ފުޓޭޖުގެ ސްނެޕްޝޮޓްތައް ވެސް ހެކީގެ ގޮތުގައި ފުުލުހުން ކޯޓަށް ހުށަހަޅާފައި ވެއެވެ.
Ads by STO
