Tuesday, 17 November 2026
Advertisement
STO — McCoy (leaderboard)
ޚަބަރު

ވަތަނީ ހިދުމަތުގެ ތަމްރީނު ހަދާ ދެވަނަ ބެޗު ފުރައިފި

ވަތަނީ ހިދުމަތުގެ ތަމްރީނު ހަދާ ދެވަނަ ބެޗު ފުރައިފި

ނޭޝަނަލް ސާވިސް އިނީޝިއަލް ޓްރެއިނިން ނުވަތަ ދިވެހި ވަތަނީ ހިދުމަތުގެ ތަމްރީނު ފުރިހަމަކުރާ ދެވަނަ ބެޗު މިއަދު ޅ. މާފިލާފުއްޓަށް ފުރައިފިއެވެ.

އެމްއެންޑީއެފްއިން ބުނީ މި ތަމްރީނުގެ ދެވަނަ ބެޗުގައި ރާއްޖޭގެ 112 ރަށަކުން 286 ފިރިހެން ދަރިވަރުންނާއި 64 އަންހެން ދަރިވަރުންނާ އެކު ޖުމްލަ 350 ދަރިވަރުން ބައިވެރިވާ ކަމަށެވެ.

3 މަސް ދުވަހުގެ މި ތަމްރީނު ފުރިހަމަ ކުރާނީ މާފިލާފުށީގައި ހުންނަ އެމްއެންޑީއެފް ކޮމްޕޮސިޓް ޓްރެއިނިން ސެންޓަރުގައެވެ.

Advertisement
Ooredoo — Truecaller (box)

ދިވެހި ވަތަނީ ހިދުމަތަކީ ދިވެހި ގައުމިއްޔަތަށް ލޯބިކުރާ، އިސްލާމް ދީނަށް ފަރުވާތެރި، ޒިންމާދާރު، ޖިސްމާނީ، ރޫހާނީ އަދި ނަފުސާނީ ގޮތުން ދުޅަހެޔޮ ދިވެހި ރައްޔިތެއް ބިނާކޮށް، މަސައްކަތަށް އަހުލުވެރި، އަހުލާގު ރަނގަޅު، ހަރުދަނާ ޒުވާން ޖީލެއް ބިނާކުރުމަށް ރައީސް ޑރ. މުހައްމަދު މުއިއްޒު ފެއްޓެވި މަޝްރޫއެކެވެ.

މި ތަމްރީނު ފުރިހަމަކުރާ ދަރިވަރުންނަށް ތަމްރީނު ފުރިހަމަ ކުރިކަމުގެ ސެޓްފިކެޓެއް ދޭނެއެވެ. އަދި ސެޓްފިކެޓް 3އިން ސިވިލް އެޑިއުކޭޝަން އެންޑް ލީޑާޝިޕް ސެޓްފިކެޓް، ކޮމިއުނިޓީ ވޮލަންޓިއާ ފަޔާ ފައިޓާ އަދި ބޭސިކް ފަސްޓް އެއިޑް ސެޓްފިކެޓްގެ އިތުރުން ޕިއާ އެޑިއުކޭޝަން ޓްރެއިނިން ޕްރޮގްރާމް ފުރިހަމަކުރި ކަމުގެ ސެޓްފިކެޓެއް ދޭނެއެވެ.

ދިވެހި ވަތަނީ ހިދުމަތުގެ ފުރަތަމަ ބެޗުގައި 340 ދަރިވަރުން ވަނީ ބައިވެރިވެފައެވެ. އެ ބެޗުން ތަމްރީނު ފުރިހަމަކުރި ދަރިވަރުންގެ ތެރެއިން ފަންނީ ތަމްރީނުތައް ހެދުމަށް 66 ކުދިން މިހާރު ވަނީ ބ. ކިހާދޫގައި ހުންނަ ސިފައިންގެ މަރުކަޒުގައެވެ.

ރިއެކްޝަން

Advertisement
Allied — Dhen Online (box)

ކޮމެންޓް

މި ލިޔުމަށް ކޮމެންޓް ކުރުން ވަނީ ބަންދުކޮށްފައެވެ.