އޯލެވެލް އިމްތިޙާނު 8000 އަށްވުރެ ގިނަ ދަރިވަރުންނާ އެކު ފަށައިފި
2025ވަނަ އަހަރުގެ އޯލެވެލް އިމްތިޙާނާއި އެސްއެސްސީ އިމްތިޙާނު 8000އަށްވުރެ ގިނަ ދަރިވަރުންނާ އެކު ފަށައިފިއެވެ.
ތަޢުލީމާ ބެހޭ ވުޒާރާއިން ބުނީ، މިއަދު ފެށުނު އިމްތިޙާނުގައި މި އަހަރު 8،218 ދަރިވަރުން ބައިވެރިވެފައިވާ ކަމަށާއި 267 ސެންޓަރެއްގައި އިމްތިޙާނު ކުރިއަށްދާ ކަމަށެވެ. އެއީ މާލޭގެ 21 ސެންޓަރަކާއި އަތޮޅުތެރޭގެ 246 ސެންޓަރެއްގައި ކަމަށެވެ.
މި އިމްތިޙާނު މިއަދުން ފެށިގެން މި އަހަރުގެ މާރިޗު މަހުގެ 6ވަނަ ދުވަހާ ހަމައަށް ކުރިއަށްދާނެ ކަމަށާއި މިއަދު ދަރިވަރުން އިންތިޙާނު ފެށީ އެސްއެސްސީ އިމްތިޙާނުގެ ދިވެހި މާއްދާގެ އިމްތިޙާނު ކަރުދާސް އެކަކުން ކަމަށް ތަޢުލީމީ ވުޒާރާއިން މަޢުލޫމާތުދެއެވެ.
ސަރުކާރުން ވަނީ އޯލެވެލް އިމްތިޙާނާއި އެސްއެސްސީ އިމްތިޙާނު މި އަހަރުން ފެށިގެން ކޮންމެ އަހަރެއްގެ ވެސް އޮކްޓޯބަރު / ނޮވެމްބަރު މަހު ބާއްވާ ގޮތަށް ހަމަޖައްސާފައެވެ. އެހެންކަމުން މިހާރު ގްރޭޑު 10ގައި ކިޔަވަމުންދާ ދަރިވަރުންގެ އޯލެވެލް އިމްތިޙާނާއި އެސްއެސްސީ އިމްތިޙާނު އޮންނާނީ މި އަހަރުގެ އޮކްޓޯބަރު / ނޮވެމްބަރު މަހުއެވެ.
