އިދިކޮޅުން ރައީސް ނަޝީދަށް ހަމަލާ ދޭން އުޅުނު ކަމުގެ ތުހުމަތު
އިދިކޮޅު ކޯލިޝަނުން މިއަދު މާލޭގައި ކުރިއަށް ގެންދިޔަ އެއްވުމުގެ ތެރެއިން، މަޖިލީހުގެ ރައީސް އަދި ކުރީގެ ރައީސް ، ރައީސް ނަޝީދަށް ހަމަލާ ދޭން މަސައްކަތް ކުރިކަމުގެ ތުހުމަތު އެމްޑީޕީން ކޮށްފިއެވެ.
އިދިކޮޅު މުޒާހަރާ އާ ގުޅިގެން ބިލެއްދޫ ދާއިރާގެ މެމްބަރު އަޙްމަދު ޙަލީމް (ދޮންބިލެތް) ކުރެއްވި ޓްވީޓެއްގައި ވިދާޅުވީ، މިއަދުގެ މުޒާހަރާ ތެރެއިން އިދިކޮޅު ފަރާތްތަކުން ރައީސް ނަޝީދު ދިރިއުޅުއްވާ ގޭ ކައިރިއަށް އެއްވެފައިވާ ކަމަށެވެ . އަދި އޭނާ ވަނީ އެ ގެ ކައިރިއަށް އެއްވެ، ރައީސް ނަޝީދަށް ހަމަލާ ދޭން އުޅުމަކީ މުޒާހަރާ ކުރުން ނޫން ކަމުގައި ވިދާޅުވެފައެވެ.
"ރައީސް ނަޝީދުގެ ގޭދޮށަށް ގޮސް ގަޔަށް ބޮލަށް އަރާކަށް ނުޖެހޭ. ޕީޕީއެމް މުޒާހަރާ ވެސް ކުރަން ވާނެ، އެކަމަކު ރައީސް ނަޝީދު ގެ ދޮށަށް ގޮސް ނަޝީދުއަށް ހަމަލާ ދޭން އުޅުމަކީ މުޒާހަރާ ކުރުމެއް ނޫން. އަދި ރައީސް ޔާމީން އަށް ލުޔެއް ލިބޭނެ ކަމެއްވެސް ނޫން" ކޮވިޑް ފެތުރުން ހުއްޓާލުމަށް ގޮވާލާ ދޮންބިލެތް ކުރެއްވި ޓްވީޓުގައި ވިދާޅުވިއެވެ.
https://twitter.com/Dhonbiley/status/1357669710528094208?s=20
މި ޓްވީޓު އެމްޑީޕީގެ ގިނަ މެންބަރުންގެ އިތުރުން، ޚުދު ރައީސް ނަޝީދު ވެސް ވަނީ ރީޓްވީޓު ކުރައްވާފައެވެ.
އިދިކޮޅުން ވަނީ މިއަދު ވެސް ޤައުމީ ދިދައާއި، ރައީސް ޔާމީން މިނިވަންކުރުމަށް ގޮވާލާ ލިޔެފައިވާ ބެނާތައް ހިފައިގެން މާލެ މަގުމައްޗަށް ނިކުމެ ރައީސް ޔާމީން މިނިވަން ކުރުމަށް ގޮވާލާފައެވެ. މިއަދުގެ އެއްވުމުގެ ތެރެއިން ވަނީ އިދިކޮޅުގެ 4 މެންބަރަކު ހައްޔަރު ވެސް ކޮށްފައެވެ.
ދޮމްބިލަތް ފީބިލަތް މިގައުނަށް މުހިއްނެއްނޫން. ރިޒޯޓަށްއިންވެސްޓްކޮއްދިނީމަ އިންޑިޔާއަށް ވިކިފަ ހުރި ގައްދާރެއް ތި މީހާއަކީ
މޑޕ އަކުން ވެސް ނުދޭ ޔާމީނުގެ ކައިރިއަށް ދޯ !!! މޮޔަނުގޮވާ ހުރޭ !!!! ނަށީދު ހުރީ ގެއަކުނޫން … މުޒާހަޜާ ކުރި މީހުން ލަށްވާ ގޯސް ގަދުވަން ވެގެން ނިކުމެ ހުރީ މަޖީދީމަގަށް !!!!!