Tuesday, 17 November 2026
Advertisement
HDC — Share-Below (leaderboard)
ޚަބަރު

އައިކޮމްގެ ބައްދަލުވުމަށް ހާޒިރު ނުވެގެން އިސްލާމިކް މިނިސްޓްރީ ޖޫރިމަނާކޮށްފި

އައިކޮމްގެ ބައްދަލުވުމަށް ހާޒިރު ނުވެގެން އިސްލާމިކް މިނިސްޓްރީ ޖޫރިމަނާކޮށްފި

އިސްލާމިކް މިނިސްޓްރީން މައުލޫމާތު ނުދީގެން ހުށަހެޅި މައްސަލައަކާ ގުޅިގެން އިންފޮމޭޝަން ކޮމިޝަނަރުގެ އޮފީސް (އައިކޮމް)އިން ތާވަލުކުރި ބައްދަލުވުމަކަށް ހާޒިރުނުވި މައްސަލައިގައި އެ މިނިސްޓްރީ ޖޫރިމަނާކޮށްފިއެވެ.

އައިކޮމްއިން މިއަދު ކުރި އިއުލާނެއްގައި ބުނީ މައުލާުމާތު ހޯދަން ހުށަހެޅި ދެ ހުށަހެޅުމަކަށް އިސްލާމިކް މިނިސްޓްރީން ޖަވާބުދީފައިނުވާތީ އޭގެ ޝަކުވާ އެ އިދާރާއަށް ހުށަހެޅި ކަމަށެވެ.

އެހެންވެ އެ ދެ ޝަކުވާ ބެލުމަށް ޓަކައި ބައްދަލުވުމެއް މިދިޔަ އަންގާރަ ދުވަހަށް ތާވަލުކުރި ކަމަށާއި އެ ބައްދަލުވުމަށް ހާޒިރުނުވެވޭނެކަން އަންގައި ބައްދަލުވުން ފަސްކޮށްދޭން މިނިސްޓްރީން އެންގި ކަމަށެވެ. އެހެންވެ އެ ބައްދަލުވުން އިއްޔެއަށް ތާވަލުކުރުމުން ދެން ވެސް ހާޒިރުނުވެވޭނެކަން އަންގައި ބައްދަލުވުން ފަސްކޮށްދޭން އެދުނު ކަމަށް އައިކޮމްއިން ބުންޏެވެ.

Advertisement
Allied Insurance — Square (box)

އަދި އެ ބައްދަލުވުން މިއަދު ބާއްވަން ތާވަލުކުުރި ކަމަށާއި ނަމަވެސް މިއަދުގެ ބައްދަލުވުމަށް ހާޒިރުނުވެ ނައި ސަބަބު ވެސް މިނިސްޓްރީން ނޭނގި ކަމަށް އައިކޮމްއިން ބުންޏެވެ. އެހެންވެ އިސްލާމިކް މިނިސްޓްރީގެ އަމަލަކީ އިންފޮމޭޝަން ކޮމިޝަނަރުގެ ވާޖިބަށް ހުރަސް އެޅުން ކަމަށް އައިކޮމްއިން ބުންޏެވެ.

އެހެންވެ އިސްލާމިކް މިނިސްޓްރީ 700ރުފިޔާއިން ޖޫރިމަނާކޮށްފައިވާކަމަށް އައިކޮމްއިން ބުންޏެވެ.

ރިއެކްޝަން

Advertisement
Ooredoo — Square (box)

ކޮމެންޓް

މި ލިޔުމަށް ކޮމެންޓް ކުރުން ވަނީ ބަންދުކޮށްފައެވެ.