ގޭހުގެ މައްސަލަ ޙައްލު ކުރެވި، މިއަދުން ފެށިގެން 10 ކިލޯގެ ގޭސްފުޅި ގަންނަން ލިބޭނެ: އެސްޓީއޯ

ކައްކާ ގޭސް ލިބުމަށް ދިމާވި މައްސަލަ ޙައްލު ކުރެވި، މިއަދުން ފެށިގެން 10 ކިލޯގެ ގޭސްފުޅި ގަންނަން ލިބޭނެ ކަމަށް ސްޓޭޓް ޓްރޭޑިންގ އޯގަނައިޒޭޝަން (އެސްޓީއޯ) ބުނެފިއެވެ.

Ads by STELCO

އެސްޓީއޯއިން ބުނީ، ދުނިޔޭގެ ބާޒާރުގައި ސަޕްލައި ކުރުމަށް ލޮޅުންތަކެއް އަރާފައިވާކަމަށާއި އެކަމުގެ ސަބަބުން އެސްޓީއޯގެ ސަބްސިޑަރީ ކުންފުނިކަމަށްވާ މޯލްޑިވްސް ގޭސް މެދުވެރިކޮށް ވިއްކަމުންދިޔަ 10 ކިލޯގެ ގޭސް ފުޅީގެ ބަދަލުގައި ޑިސްކައުންޓް ރޭޓުތަކެއްގައި ވިއްކަމުން ދިޔައީ 7 ކިލޯގެ ގޭސްފުޅިކަމަށެވެ.

ނަމަވެސް އެ މައްސަލަ މިހާރު ހައްލުކުރެވިފައިވާ ކަމަށާއި ރައްޔިތުންނަށް ރޯދަމަހު ތެރޭގައި އެއްވެސް ދަތިކަމެއްނެތި ގޭސް ފޯރުކޮށްދެވޭނެ ކަމުގެ ޔަޤީންކަންދޭ ކަމަށް ވެސް އެސްޓީއޯއިން ވަނީ ބުނެފައެވެ.