މާދަމާއަކީ ރޯދަ މަހުގެ ފުރަތަމަ ދުވަސް: މައުމޫން

މާދަމާއަކީ 1447 ވަނަ އަހަރުގެ ރޯދަ މަހުގެ ފުރަތަމަ ދުވަސް ކަމަށް ފަލަކީ އިލްމުވެރިޔާ އަދި ކުރީގެ ރައީސް މައުމޫން އަބްދުލްގައްޔޫމް ވިދާޅުވެއްޖެއެވެ.

Ads by STELCO

ދިވެހި ކަލަންޑަރުގައިވާ ގޮތުންވެސް މާދަމާއަކީ މިއަހަރުގެ ރޯދަ މަހުގެ ފުރަތަމަ ދުވަހެވެ.

މައުމޫން މިއަދު އެކްސްގައި ކުރެއްވި ޕޯސްޓެއްގައި ވިދާޅުވީ، ފަލަކީ ހިސާބުތަކުން ދައްކާ ގޮތުގައި، ރޯދަ މަހުގެ ފުރަތަމަ ދުވަހަށް ވާނީ މާދަމާ ކަމަށެވެ. އެ ޕޯސްޓާއެކު މުސްލިމް އުންމަތަށް ރޯދަ މަހުގެ ތަހުނިޔާވެސް ފޮނުއްވާފައިވެއެވެ.

ރޯދަ މަހުގެ ހަނދު ސާބިތުކުރާ ޖަލްސާ މިރޭ އޮންނާނެއެވެ.

މާދަމާއަކީ ރޯދަ މަހުގެ ފުރަތަމަ ދުވަސް ކަމަށް މުސްލިމް ގިނަ ގައުމުތަކުން ބުނި ނަމަވެސް، ބައެއް ގައުމުތަކުން ވަނީ އެދުވަހަކީ ބުރާސްފަތި ދުވަސް ކަމަށް ބުނެފައެވެ.