ދިރާގުން ސައުދީ އަދި ޔޫއޭއީއަށް ހިލޭ ގުޅޭ ގޮތް ހަދައިފި
މެދުއިރުމަތީގެ ހަމަނުޖެހުމާ ގުޅިގެން ދިރާގުން، އެ ކުންފުނީގެ ކަސްޓަމަރުންނަށް ސައުދި އަރަބިޔާ އަދި ޔޫއޭއީއަށް ހިލޭ މުއާސަލާތު ކުރެވޭނެ އިންތިޒާމް ހަމަޖައްސައިދީފިއެވެ.
ދިރާގުން ބުނީ، މި ޙާދިސާއާ ގުޅިގެން އެ ސަރަހައްދުތަކުގައި ގިނަ ދިވެހި ޢާއިލާތަކެއް ދިރިއުޅެމުންދާތީ، އެ ޢާއިލާތަކުގެ ޙާލު ބެލުމަށް މެދުކެނޑުމެއްނެތި މުއާސަލާތު ކުރެވޭނެ އިންތިޒާމް ފަހި ކޮށްދިނުމުގެ ގޮތުން ފޯރުކޮށްދެވުނު ފުރުސަތެއް ކަމަށެވެ. އަދި މި ޚިދުމަތުގެ ދަށުން، 30މިނެޓުގެ ކޮންމެ ކަސްޓަމަރަކަށް ވެސް ހިލޭ ގުޅާލުމަށް ލިބިގެންދާނެ ކަމަށް ދިރާގުން މަޢުލޫމާތުދެއެވެ.
އެހެންކަމުން މި ޚިދުމަތަށް އެދުމަށް، #225*އަށް ޑައިލްކޮށްލުމުން މާދަމާގެ ނިޔަލަށް ޚިދުމަތް އެކްޓިވޭޓް ކުރެވޭނެ ކަމަށާއި އެކްޓިވޭޓް ކުރުމަށް ފަހު ހަތް ދުވަހުގެ މުއްދަތަށް ބޭނުން ކުރެވިގެންދާނެ ކަމަށް ވެސް ދިރާގުން ބުނެއެވެ.
