އައްޑޫގެ ގްރޫޕް "ގޭންގް"އެއް ކަށް ކަނޑައަޅަން ކޯޓަށް ހުށަހެޅި މައްސަލަ ސިއްރުކޮށްފި
އައްޑޫ ސިޓީގެ ހިތަދޫގައި ހަރަކާތްތެރިވާ ގްރޫޕްއެއް ކަަމަށްވާ ސްކޫޕް، "ގޭންގް"އެއް ކަަމަށް ކަނޑައަޅަން ކޯޓަށް ހުށަހެޅި މައްސަލަ ސިއްރުކޮށްފިއެވެ.
"ސްކޫޕް" ގުރޫޕަކީ ގޭންގުތަކުން ހިންގާ ކުށްތަކާއި އެނޫންވެސް ނުރައްކާތެރި ކުށްތައް ހުއްޓުމުގެ ގާނޫނުގެ ދަށުން "އިންތިޒާމްވެފައިވާ ކުށްކުރާ ގުރޫޕެއް"ގައި ހުންނަންޖެހޭ ޝަރުތުތައް ފުރިހަމަވާ އަދި މިހާރުވެސް ކުށްކުރުމުގައި ހަރަކާތްތެރިވާ ގުރޫޕެއްކަމަށް ފެންނަ ކަމަށް ބުނެ އެ ގްރޫޕް ގޭންގްއެއްގެ ގޮތުގައި ކަނޑައަޅަން ޕްރޮސިކިއުޓާ ޖެނެރަލް އޮފީހުން ހައި ކޯޓަށް ހުށަހެޅީ މިދިޔަ ޖެނުއަރީ މަހުއެވެ.
އެ މައްސަލަ ހައިކޯޓުގައި ފަށާފައިވާ އިރު ރޭ ވަނީ އަޑު އެހުމެއް ކުރިއަށް ގެންގޮސްފައެވެ. ނަމަަވެސް އެ އަޑު އެހުމުގެ ވީޑިއޯ އާންމުކޮށްފައެއް ނުވެއެވެ.
"ދެން"އަށް އެނގިފައިވާ ގޮތުން އެ މައްސަލަ ކުރިއަށް ގެންދިޔައީ ސިއްރުކޮށްގެންނެވެ.
ޕީޖީ އޮފީހުން ވަނީ ސްކޫޕް ގްރޫޕަށް ނިސްބަތްވާ ސްޕޯޓްސް ކްލަބެއް ކަމަށްވާ "އެސްކޭޕީ ސްޕޯޓްސް ކްލަމް" އުވާލުމަށް ކޮމިޝަނާ އޮފް ސްޕޯޓްގެ މައްޗަށް އަމުރުކޮށް، "ސްކޫޕް"، "ސްކޫޕް ކަންމަތި" ނުވަތަ "SKP” ލިޔެފައިވާ ފާރުތަކާއި، އެންމެގައި ތަންތަނުން އެ ނަންތައް ފޮހެލުމަށް އައްޑޫ ސިޓީ ކައުންސިލްގެ މައްޗަށް އަމުރުކޮށްދިނުމަށްވެސް ހައި ކޯޓުގައި އެދިފައެވެ.
