އައްޑޫގައި ކާރެއް ފުރޮޅާލައި 4 މީހަކަށް އަނިޔާވެއްޖެ

އައްޑޫ ސިޓީގެ ހިއްކި ސަރަހައްދުގައި ބާރު ސްޕީޑުގައި ދުއްވާފައި ދިޔަ ކާރެއް ފުރޮޅާލައި، 4މީހަކަށް އަނިޔާވެއްޖެއެވެ.

Ads by Allied

ފުލުހުން ބުނީ މިއަދު ހަވީރު 16:50ހާއިރު ބާރު ސްޕީޑުގައި ދުއްވާފައި ދިޔަ އެ ކާރުގައި ތިބީ 4މީހުން ކަމަށާއި އެ އެންމެންނަށް ވެސް އެކިވަރުގެ އަނިޔާ ލިބިފައިވާކަމަށެވެ. އަދި ކާރު ދުއްވަން އިން މީހާއަށް ސީރިއަސް އަނިޔާތަކެއް ލިބިފައިވާކަމަށް ވެސް ފުލުހުން ބުނެއެވެ.

އަނިޔާވި އެންމެންނަށް ވެސް މިހާރު ދަނީ އައްޑޫ އިކުއިޓޯރިއަލް ހޮސްޕިޓަލުގައި ފަރުވާދެމުންނެވެ.

މި މައްސަލަ ފުލުހުން ގެންދަނީ ތަހުގީގުކުރަމުންނެވެ.