ކޮންޑޯ އެއާލައިނުން އަލުން ރާއްޖެއަށް ދަތުރުތައް ފަށަނީ
ޖަރުމަނުގެ މަޝްހޫރު އެއާލައިން، ކޮންޑޯއިން ކުރިއަށް އޮތް ޔޫރަޕުގެ ހޫނު މޫސުމާ ދިމާކޮށް ރާއްޖެއަށް ދަތުރުތައް ފަށަން ތައްޔާރުވެއްޖެއެވެ.
މިދަތުރުތަކަކީ ކޮންޑޯގެ މިއަހަރުގެ ލޯންގް-ހޯލް ޝެޑިއުލްގެ ދަށުން ކުރާ ދަތުރުތަކެކެވެ. މި ދަތުރުތައް ކުރަނީ ޖަރުމަނުގެ ފްރެކްފާޓުން ރާއްޖޭގެ ވެލާނާ އިންޓަނޭޝަނަލް އެއާޕޯޓަށެވެ. އަންނަ މޭމަހުން ފެށިގެން މި އެއާލައިނުން ރާއްޖެއަށް ހަފުތާއަކު 4 ދުވަހު ދަތުރު ކުރާނެއެވެ.
ކޮންޑޯ އެއާލައިނުން ބުނީ މި ދަތުރުތައް ރާއްޖެއަށް ފަށަނީ ޖަރުމަނުގެ ޓްރެވެލް އެޖެންޓުންނާއި ޓުއާ އޮޕަރޭޓަރުންނާވެސް އެކުގައި ކަމަށެވެ.
ކޮންޑޯއަކީ ރާއްޖެއަށް ސީދާ ދަތުރުތައް ފެށި އެންމެ ދުވަސްވީ އެއާލައިނެވެ. މި އެއާލައިނުން 1980ގެ އަހަރުތަކުން ފެށިގެން މެދުކެނޑުމެއް ނެތް ކަހަލަ ގޮތަށް ދަނީ ރާއްޖެއަށް ދަތުރުތައް ކުރަމުންނެވެ. މިއީ ރާއްޖޭގެ ފަތުރުވެރިކަމުގެ ދާއިރާގައި ޖަރުމަނުގެ މާކެޓް ފުޅާވެފައި އޮތް އެންމެ ބޮޑު ސަބަބެވެ.
މިދިޔަ އަހަރު ރާއްޖެއަށް އެންމެ ގިނަ ފަތުރުވެރިން ޒިޔާރަތްކުރި ލިސްޓުގެ ގަދަ 5ގައި ޖަރުމަނުވިލާތް ހިމެނެއެވެ.
