Monday, 16 November 2026
Advertisement
STO — McCoy (leaderboard)
ޚަބަރު

އާސަންދައިން ދޭ އެމްބިއުލާންސްގެ ހިދުމަތްގެ ހިދުމަތް ފުޅާކުރަނީ

އާސަންދައިން ދޭ އެމްބިއުލާންސްގެ ހިދުމަތްގެ ހިދުމަތް ފުޅާކުރަނީ

އެމްބިއުލާންސްގެ ހިދުމަތަށް އާސަންދައިން ދޭ ކަވަރޭޖް ފުޅާ ކުރަން ނިންމައިފިއެވެ.

މިއަދު އޮތް ނޫސްވެރިންގެ ބައްދަލުވުމުގައި ރައީސް ޑރ. މުހައްމަދު މުއިއްޒު ވިދާޅުވީ، ގިނަ ބަޔަކު އެދެމުންދާތީ، އަންނަ މަހުގެ އެއްވަނަ ދުވަހުން ފެށިގެން އެމްބިއުލާންސްގެ ހިދުމަތް މިހާރަށްވުރެ ފުޅާކުރަން ނިންމާފައިވާ ކަމަށެވެ.

މިހާރު އޮތްގޮތުން ނަމަ އެމްބިއުލާސްގައި އާސަންދަ ލިބެނީ ވަރަށް މަދު ހިދުމަތްތަކަށެވެ.

Advertisement
Ooredoo — Square (box)

ރައީސް ވިދާޅުވީ ހިދުމަތް ފުޅާކުރުމުން، ކުއްލި ހާލަތުގައި ހޮސްޕިޓަލަށް ގެންނަ ބަލި މީހާއާއި ނިޔާވެގެން ގެންދާ މައްޔިތާގެ ހަށިގަނޑު އުފުލުންވެސް އާސަންދައިން ކަވަރު ކުރާނެ ކަމަށެވެ.

އަދި ވީލްޗެއާގައި ގެންނަ ބަލި މީހުންނާއި އެކިކަހަލަ ނުކުޅެދުންތެރިކަން ހުންނަ މީހުން އަދި އެމަޖެންސީ ހާލަތުގައި އިވެކްއޭޓްކުރަން ޖެހޭ ހާލަތްތަކުގައިވެސް އެ ސްކީމުން ކަވަރުކުރާނެ ކަމަށް ރައީސް ވިދާޅުވިއެވެ.

"މި ބަދަލުތައް ގެންނަން ނިންމާފައިވަނީ ވަރަށް ޓެކްނިކަލް ލެވެލްއެއްގައި އެކި އޭންގަލްތަކުން މަޝްވަރާ ކުރުމަށްފަހު. މިއީ ގިނަ ބަޔަކަށް ދަތިވެގެން ލުއިތަކެއް ބޭނުންވާތީ އެކަމަށް މަޝްވަރާކޮށް ނިންމި ނިންމުމެއް،" ރައީސް ވިދާޅުވިއެވެ.

ފިނޭންސްގެ ތަފާސްހިސާބުތަކުން ދައްކާގޮތުގައި މިދިޔަ އަހަރު އާސަންދައިން ޖުމްލަ 2.3 ބިލިއަން ރުފިޔާއަށްވުރެ ގިނަ ހަރަދުކޮށްފައިވެއެވެ.

ރިއެކްޝަން

Advertisement
Allied — Dhen Online (box)

ކޮމެންޓް

މި ލިޔުމަށް ކޮމެންޓް ކުރުން ވަނީ ބަންދުކޮށްފައެވެ.