Sunday, 15 November 2026
Advertisement
Allied Insurance (leaderboard)
ޚަބަރު

މާލެ ސިޓީގެ ގިނަ ވިޔަފާރިތަކެއްގެ ފުރިހަމަ ތާއީދު މޫސާ ޢަލީ ޖަލީލަށް!

މާލެ ސިޓީގެ ގިނަ ވިޔަފާރިތަކެއްގެ ފުރިހަމަ ތާއީދު މޫސާ ޢަލީ ޖަލީލަށް!

މާލެ ސިޓީގެ ގިނަ ވިޔަފާރިތަކެއްގެ ފުރިހަމަ ތާއީދު ވެރިކަންކުރާ ކޮންގްރެސް ޕާޓީގެ މޭޔަރު ކެންޑިޑޭޓް މޫސާ ޢަލީ ޖަލީލަށް ދީފިއެވެ.

މި އިއުލާންކުރީ މާލެ ސަރަޙައްދުގައި ހިންގާ ގިނަ އަދަދެއްގެ ކުދި އަދި މެދު ފަންތީގެ ވިޔަފާރިތަކަށް ދިމާވެފައިވާ ގުދަންކުރުމާއި ޕާކުކުރުމުގެ މައްސަލަތަކަށް ސަރުކާރާ ގުޅިގެން ޙައްލު ހޯދުމުގެ މަޤްޞަދުގައި، މިއަދު މާލޭގެ މަންހަޓަން ރެސްޓޯރަންޓުގައި ބޭއްވި ޚާއްޞަ ބައްދަލުވުމެއްގައެވެ.

މި ބައްދަލުވުމުގައި ބައިވެރިވި ވިޔަފާރިވެރިން ފާހަގަކުރި ގޮތުގައި، ވެރިރަށުގެ ތަރައްޤީއާއި ކުރިއެރުމަށް ހުރަސްއެޅިފައިވާ ކަންކަން ނިމުމަކަށް ގެނެވޭނީ މާލޭ ސިޓީ ކައުންސިލަކީ ސަރުކާރުގެ ސިޔާސަތުތަކަށް އެއްބާރުލުންދޭ، ގުޅިގެން މަސައްކަތްކުރާ އިދާރާއަކަށް ހަދައިގެންނެވެ. އެހެންކަމުން މޭޔަރުކަމަށް އެންމެ ޤާބިލު ބޭފުޅަކީ ޖަލީލްކަމަށް އެ ފަރާތްތަކުން ވަނީ އިއްތިފާޤުވެފައެވެ.

Advertisement
Allied Insurance — Square (box)

ވިޔަފާރިވެރިންގެ ކަންބޮޑުވުންތަކަށް ރައްދުދެއްވަމުން މޫސާ ޢަލީ ޖަލީލް ވިދާޅުވީ، މުދާ ރައްކާކުރުމާއި އުޅަނދުފަހަރު ޕާކުކުރުމަށް ހުރި ދަތިތައް ނައްތާލުމަށް ދައުލަތުން މިހާރުވެސް މުހިންމު މަސައްކަތްތަކެއް ފަށާފައިވާ ކަމަށެވެ. މީގެ އިތުރުން، އަލަށް ވިޔަފާރީގެ ތެރެއަށް ވަންނަން ބޭނުންވާ ޒުވާނުންނަށާއި، މިހާރު ހިނގަމުންދާ ކުދި ވިޔަފާރިތަކަށް ފަހި މާޙައުލެއް ޤާއިމުކޮށްދިނުމުގެ ފުރިހަމަ ތަޞައްވުރެއް އެމަނިކުފާނުގެ އަތްޕުޅުގައި އޮތްކަން ހާމަކުރެއްވިއެވެ.

މޭޔަރުކަމަށް އިންތިޚާބުވެވަޑައިގެންފިނަމަ، މާލޭގެ ރައްޔިތުންނާ ގުޅުންހުރި ބޮޑެތި ކަންކަން ނިންމުމުގައި އަބަދުވެސް ވިޔަފާރިވެރިންގެ ލަފަޔާއި މަޝްވަރާ ހޯއްދަވާނެކަމުގެ ޔަޤީންކަން ދެއްވަމުން، އެމަނިކުފާނު ވަނީ އެންމެންގެ ޚިޔާލާ އެކު މައްސަލަތަކަށް ނިމުން ގެނެސްދެއްވާނެކަމަށް ވަޢުދުވެވަޑައިގެންފައެވެ.

ރިއެކްޝަން

Advertisement
Allied — Dhen Online (box)

ކޮމެންޓް

މި ލިޔުމަށް ކޮމެންޓް ކުރުން ވަނީ ބަންދުކޮށްފައެވެ.