އެމްޑީޕީގެ ކުރިމަގު އުޖާލާކުރުމަށް އާ ޒުވާން ޖީލަކަށް ފުރުސަތު ދިނުމަށް މީކާއީލް ގޮވާލައްވައިފި

ދިވެހިރައްޔިތުންގެ ޑިމޮކްރެޓިކް ޕާޓީ (އެމްޑީޕީ) ގެ އިސް ސަފުގައި އާ ޒުވާން ޖީލަކަށް ފުރުސަތު ފަހިކޮށްދިނުމަކީ އެ ޕާޓީގެ މުސްތަޤުބަލަށްޓަކައި ކޮންމެހެން ކުރަންޖެހިފައިވާ ކަމެއް ކަމަށް، ޕާޓީގެ ޗެއާޕާސަންގެ މަޤާމަށް ވާދަކުރައްވާކަން އިޢުލާނުކުރައްވާފައިވާ ރައްޔިތުންގެ މަޖިލީހުގެ ގަލޮޅު ދެކުނު ދާއިރާގެ މެންބަރު މީކާއީލް އަޙްމަދު ނަސީމް ވިދާޅުވެއްޖެއެވެ.
ސިޔާސީ މައިދާނުގައި ޕާޓީގެ ޙަރަކާތްތައް އިތުރަށް ހަރުދަނާކޮށް، އާންމު ރައްޔިތުންގެ އިތުބާރު ކަށަވަރުކުރުމަށްޓަކައި ޒުވާނުންގެ ދައުރު ފުޅާކުރުމުގެ މުހިންމުކަން މީކާއީލް ވަނީ ފާހަގަކުރައްވާފައެވެ. މި ސިޔާސަތުގެ ދަށުން، ރައްޔިތުންގެ މަޖިލީހުގެ ޖުމްލަ ގޮނޑީގެ 30 އިންސައްތަ ޒުވާނުންނަށް ޚާއްޞަކުރުމަށް ބާރުއެޅުއްވުމުގެ ގޮތުން އޭނާ ވަނީ ދާދި ފަހުން މަޖިލީހަށް މުހިންމު ހުށަހެޅުމެއް ވެސް ހުށަހަޅުއްވާފައެވެ.
https://twitter.com/MickailNaseem/status/2041765787183263920
މީގެ އިތުރުން، ޤައުމުގެ އެންމެ ބޮޑު އިދިކޮޅު ޕާޓީގެ ހައިސިއްޔަތުން އެމްޑީޕީން ގެންގުޅޭ މުހިންމު ސިޔާސަތުތަކަށް އަލިއަޅުއްވާލައްވަމުން، ޤައުމީ ފެންވަރުގައި ބާއްވާ ދެ އިންތިޚާބެއް އެއްކޮށްލުމަށް ކުރެވޭ މަސައްކަތްތަކާ އެ ޕާޓީން ކަނޑައެޅިގެން ދެކޮޅުކަން ވެސް އޭނާ ތަކުރާރުކުރެއްވިއެވެ. މީކާއީލް ވިދާޅުވީ، ޑިމޮކްރެޓިކް އުޞޫލުތައް ދެމެހެއްޓުމަށްޓަކައި މިފަދަ ނިންމުންތަކުގައި ރައްޔިތުންގެ ޙައްޤުތައް ފުރިހަމައަށް ޙިމާޔަތްކުރެވެން ޖެހޭނެ ކަމަށެވެ.






ކޮމެންޓް
މި ލިޔުމަށް ކޮމެންޓް ކުރުން ވަނީ ބަންދުކޮށްފައެވެ.