ވަގުތީގޮތުން މެދުކަނޑާލުމަށްފަހު، ޤަޠަރު އެއާވޭސްގެ ދަތުރުތައް އަލުން ރާއްޖެއަށް ފަށައިފި
މެދުއިރުމަތީގެ މަސްރަހު ގޯސްވެ، އެ ސަރަޙައްދުގެ ވައިގެ މަގުތައް ބަންދުކުރުމާ ގުޅިގެން ރާއްޖެއަށް ކުރަމުން އައި ދަތުރުތައް ވަގުތީގޮތުން ހުއްޓާލާފައި އޮތުމަށް ފަހު، ޤަޠަރު އެއާވޭސްއިން އަނެއްކާވެސް ދިވެހިރާއްޖެއަށް ފްލައިޓްތައް ބާއްވަން ފަށައިފިއެވެ.
މޯލްޑިވްސް އެއަރޕޯޓްސް ކޮމްޕެނީ ލިމިޓެޑް (އެމްއޭސީއެލް) އިން މަޢުލޫމާތު ދެއްވާފައިވާ ގޮތުގައި، އަލުން މި ފެށުނު އޮޕަރޭޝަންތަކާ އެކު ހިނގަމުންމިދާ މަހުގެ 31ވަނަ ދުވަހުގެ ނިޔަލަށް ކޮންމެ ދުވަހަކުވެސް އެ އެއަރލައިންގެ ބޯޓުތައް ރާއްޖެއަށް އަންނާނެއެވެ.
ރާއްޖޭގެ ފަތުރުވެރިކަމުގެ ސިނާޢަތަށް ބޮޑު ހިއްސާއެއް ކުރަމުން އަންނަ ޤަޠަރު އެއާވޭސްއަކީ ގިނަ ޢަދަދެއްގެ ފަތުރުވެރިން ރާއްޖެއަށް އުފުލާ ކުންފުންޏެކެވެ. އެ ކުންފުނިން ހާމަކުރާ ގޮތުގައި، ދަތުރުތައް އަލުން ފެށުމުގެ ސަބަބުން ޔޫރަޕާއި، އެމެރިކާގެ އިތުރުން މެދުއިރުމަތީގެ ޤައުމުތަކުން ދަތުރުކުރާ މީހުންނަށް ދިވެހިރާއްޖެއާ ގުޅާލަދޭ ނެޓްވޯކް އިތުރަށް ހަރުދަނާވެގެންދާނެއެވެ. މީގެ އިތުރުން، އަންނަ ޖޫން މަހުގެ 15ވަނަ ދުވަހުގެ ކުރިން ދަތުރުކުރުމަށް ޓިކެޓް ގަނެފައިވާ ފަރާތްތަކަށް، އެއްވެސް ދަތިކަމަކާ ނުލައި ފަސޭހަކަމާ އެކު ދަތުރުކުރާ ތާރީޚު ބަދަލުކުރެވޭނެ އިންތިޒާމު ވެސް ހަމަޖައްސައިދީފައިވާނެ ކަމަށެވެ.
