Sunday, 15 November 2026
Advertisement
Allied Insurance (leaderboard)
ޚަބަރު

ޕެންޝަންއާ ބެހޭ ގާނޫނަށް ގެނައި އިސްލާހުތައް ރައީސް މުއިއްޒު ތަސްދީގުކުރައްވައިފި

ޕެންޝަންއާ ބެހޭ ގާނޫނަށް ގެނައި އިސްލާހުތައް ރައީސް މުއިއްޒު ތަސްދީގުކުރައްވައިފި

ރާއްޖޭގެ ޕެންޝަންއާ ބެހޭ ގާނޫނަށް ގެނައި އިސްލާހުތައް  ތަސްދީގުކޮށްފި އެވެ.

ސަރުކާރުން ސްޕޮންސާ ކޮށްގެން ޕެންޝަންއާ ބެހޭ ގާނޫނަށް އިސްލާހު ގެންނަން ހުށަހެޅި ބިލު ރައްޔިތުންގެ މަޖިލީހުން ފާސްކުރީ މި މަހުގެ 14 ވަނަ ދުވަހު ބޭއްވި ރައްޔިތުންގެ މަޖިލީހުގެ ޖަލްސާގަ އެވެ.

ރައީސް އޮފީހުން ބުނީ އެ ބިލު ރޭ ރައީސް ޑރ. މުހައްމަދު ތަސްދީގުކުރައްވާފައިވާ ކަމަށެވެ. އަދި ސަރުކާރުގެ ގެޒެޓުގައި ވެސް ޝާއިއުކޮށް އިސްލާހުތަކަސް އަމަލުކުރަން މިހާރު ފަށާފައިވާ ކަމަށް ވެސް ރައީސް އޮފީހުން ބުންޏެވެ.

Advertisement
Allied — Dhen Online (box)

ތަސްދީގުކުރި އިސްލާހުތަކުގައި އަސާސީ ޕެންޝަނުގެ އުސޫލުތައް މުރާޖާކޮށް، ޕެންޝަން ފަންޑުގައިވާ ފައިސާ ބޭނުންކުރެވޭނެ ހާލަތްތަކާއި، ޕެންޝަން އޮފީހާއި ޕެންޝަންގެ ނިޒާމު އިތުރަށް ހަރުދަނާކުރުމުގެ އުސޫލުތައް ހިމަނާފައި ވެއެވެ.

އެގޮތުން، އުމުރުން ދުވަސްވީ މީހުންގެ އަސާސީ ޕެންޝަނުގެ ގޮތުގައި ލިބިދެވޭ ފައިސާއަށް ވުރެ ބޮޑު އަދަދެއްގެ ފައިސާ، އާމްދަނީގެ ގޮތުގައި އެ މީހަކަށް ލިބޭ ނަމަ، އެމީހެއްގެ އަސާސީ ޕެންޝަން ލިބިނުދެވޭނެކަމާއި، ގެދޮރު އިމާރާތްކުރުމާއި ގެދޮރު މަރާމާތުކުރުގެ ބޭނުމަށް ޕެންޝަން ފަންޑުގައިވާ ފައިސާ ކޮލެޓަރަލައިޒް ކުރެވޭނެކަމަށް އިސްލާހުތަކުގައި ބުނެފައި ވެއެވެ.

އޭގެ އިތުރުން ބަލިވެ ގަދަނުވާނެ ފަދަ ހާލަތުގައިވާ ފަރާތްތަކަށް ޕެންޝަން ފަންޑުގައިވާ ފައިސާ ދޫކުރެވިދާނެކަމާއި އަދި އެ ފައިސާ ދޫކުރުމުގެ އުސޫލުތައް އިސްލާހުތަކުގައި ހިމަނާފައިވެއެވެ. އަދި ހައްޖުވުމަށްޓަކައި ކުރިޔާލައި ޖާގަ ރިޒާވް ކުރުމަށްޓަކައި ޕެންޝަން ފަންޑުގެ ފައިސާ ބޭނުންކުރެވިދާނެކަމަށްވެސް ބުނެފައި ވެެއެވެ.

ރިއެކްޝަން

Advertisement
Ooredoo — Truecaller (box)

ކޮމެންޓް

މި ލިޔުމަށް ކޮމެންޓް ކުރުން ވަނީ ބަންދުކޮށްފައެވެ.