އުކުޅަހު ސްކޫލުގެ ޓީޗަރުންނަަށް ދިން ހަދިޔާތައް، ދަރިވަރުން ކުރިމަތީގައި އުކާލީ ޑަސްބިނަށް!
އއ. އުކުޅަހު ސްކޫލުގައި މިއަހަރުގެ ޓީޗަރުންގެ ދުވަހު، ބައެއް ޓީޗަރުން އެސްކޫލްގެ ދަރިވަރުންތަކެއް ރޮއްވާލައިފިއެވެ.
ނަން ހާމަ ނުކުރުމަށް އެދި "ދެން" އަށް މައުލޫމާތު ދެމުން އެސްކޫލްގެ ބެލެނިވެރިއަކު ބުނީ އޭނާގެ ދަރިފުޅު ޓީޗަރުންގެ ދުވަހުގެ މުނާސަބަތުގައި އެމުދައްރިސުންނަށް ދޭން ވެގެން ތައްޔާރުކޮށްގެން ގެންދިޔަ ކާޑާއި ހަދިޔާ، އެކުއްޖާގެ ކުރިމަތީގައި އެމުދައްރިސުން ޑަސްބިނަށް ލީ ކަމަށެވެ.
"އެރޭ ދަރިފުޅު ނުލާހިކު ބުރަ މަސައްކަތުން ކާޑާއި އެއްޗެހި ތައްޔާރު ކުރީ އޭގެ އަނެއް ދުވަހަކީ ޓީޗަރުންގެ ދުވަސް ކަމުގައިވާތީ، ޓީޗަރުންނަށް ހަދިޔާއެއް ދޭން ވެގެން. އެކަމަކު އެދުވަހު އަޅުގަނޑުގެ ދަރިފުޅު އައިސް ވަރަށް ބޮޑަށް ރުއި. ބުނީ ދަރިފުޅުގެ ކުރިމަތީގައި އެކާޑާއި ހަދިޔާ ޑަސްބިނަށްލީ ވާހަކަ." އެބެލެނިވެރިޔާ ނުހަނު ހިތާމައާއެކު ފާހަގަ ކުރިއެވެ.
މިއަހަރުގެ ޓީޗަރުންގެ ދުވަހުގެ މުނާސަބަތާއި ގުޅިގެން ބެލެނިވެރިންނާއި ދަރިވަރުން ބުރަ މަސައްކަތުން އިންތިޒާމުކުރި ޚާއްސަ ހަރަކާތް، ބައެއް ޓީޗަރުން ވަނީ ހަލާކު ކޮށްލާ އެދަރިވަރުންނާއި ބެލެނިވެރިންގެ ހިތްތަކަަށް މާޔޫސްކަން ގެނުވާފައެވެ.
އެގޮތުން އެދުވަހުގެ މުނާސަބަތުގައި ބޭއްވި ޚާއްސަ އެސެމްބްލީގައި ވެސް ބައެއް ޓީޗަރުން ބައިވެރި ނުވުމުގެ އިތުރުން، ބައިވެރިވީ ބައެއް ޓީޗަރުން ވެސް ހަމައެކަނި ސޮއި ކޮށްލާފައި ވަނީ ގެއަށް ގޮސްފައެވެ. ބެލެނިވެރިން ތައްޔާރުކުރި ޚާއްސަ ސައިފޮދުގައި ވެސް އެޓީޗަރުން ބައިވެރި ނުވާކަމަށް "ދެން" އަށް ބައެއް ބެލެނިވެރިން މައުލޫމާތު ދީފައިވެއެވެ.
އުކުޅަހު ސްކޫލްގެ ބައެއް ޓީޗަރުން، ސްކޫލްގެ ބައެއް ދަރިވަރުންނާއިމެދު މިފަދައިން އިހާނެތިކޮށް ކަންތައްތައް ކުރާ ކަމަށާއި، ބައެއް ޓީޗަރުން ސްކޫލަށް ކިޔަވައިދޭން ނުދާން އުޅޭކަން ވެސް ފާހަގަ ކޮށްފައިވެއެވެ.
"މިދިޔަ އަހަރު އަަޅުގަނޑުގެ ގްރޭޑް ހަތަރެއްގައި އުޅޭ ދަރިފުޅު ހުރީ ކްލާހުން ބޭރަށްލާފަ. އޭގެ އިތުރުން އެހެން ކުދިން ކުރިމަތީގައާއި އެއް ދުވަހު ބެލެނިވެރިންގެ ބައްދަލުވުމެއްގައި ވެސް އަަޅުގަނޑުގެ ދަރިފުޅު ފަލީޙަތްކުރި. އަޅުގަނޑުގެ ދަރިފުޅަކީ ތަންކޮޅެއް ހަލަނި ކުއްޖެއް. އޭނަ ދައްކާފައި ބުނަނީ މިކުއްޖާއާއި ހެދި ނެތޯ ކިޔަވާ ދެވޭކަށްވެސް. ނަމަވެސް މިއީ މިދިޔަ އަހަރު ވީކަމެއް. މިއަހަރު އާޕްރިންސިޕަލް ދުރުވިފަހުން މިކަންކަން ދިމައެއް ނުވޭ. އެކަމަކު ބައެއް ޓީޗަރުން އެޕްރިންސިޕަލް ދެކެ އައިސްފައި ހުންނަ ޒާތީ ރުޅިއަކުން ބައެއް ދުވަސް ދުވަހު ކިޔަވައިދޭން ވެސް ނުދޭ" އެހެން ބެލެނިވެރިއަކު ކިޔައިދިނެވެ.
އެނގިފައިވާ ގޮތުގައި އުކުޅަހު ސްކޫލަކީ އަވަސް އަވަހަށް "ޕްރިންސިޕަލް ބަދަލު ކުރުމުގެ" ސަޤާފަތެއް ގެންގުޅޭ ސްކޫލެކެވެ. އެޑިއުކޭޝަން މިނިސްޓްރީ އަށް ޕެޓިޝަން ހުށަހަޅައިގެން ޕްރިންސިޕަލް ބަދަލުކުރާކަން ކުރިން ވެސް ފާހަގަވާކަމަށް ބެލެނިވެރިން ބުނެއެވެ. ނަމަވެސް މިފަހަރު ސްކޫލް ހިންގުމާއި ހަވާލުވެހުރި ޕްރިންސިޕަލް ޝަހުލާ އިމާދް އާއި ބެހޭގޮތުން ހުށަހެޅި ކަންބޮޑުވުން ބަލައިގެންފައިނުވާކަން ވެސް ފާހަގަ ކުރިއެވެ.
‘’ހީވަނީ އެކަމުގެ ރުޅިހެން މިބާލުވަނީ. އެޓީޗަރުން އުޅެނީ އެމީހުން ވަކިން ގްރޫޕެއް ވެސް ހަދައިގެން ވައިބާގައި 'ހިތްވަރު' ކިޔާ. އަސްލު ވީގޮތަކީ މިޕްރިންސިޕަލް (ޝަހުލާ އިމާދު) އައުމަށްފަހު ސްކޫލުގައި ހުރި ވަރަށް ގިނަ ކަންކަން ރަނގަޅު ކުރެއްވީ. ސްކޫލުގައި ތިބި ދަށްފަންތީގެ ކުދިންނަށް ވެސް ކިޔަވާދެވޭނެ ވަކި އުސޫލުތަކެއް ކަނޑައަޅާ، ވަރަށް ބޮޑަށް ކަންކަން އިސްލާހު ކުރެއްވީ. އެހެންވެ ބައެއް ޓީޗަރުން އެކަމާއި ހިތްހަމަ ނުޖެހުނީ، އެމީހުންނަށް މަސައްކަތް ބުރަވީމަ. އެހެންވެ ބައިބައިވެގެން އުޅުއްވަނީ. މިކަމުގައި ވަރަށް އިސްކޮށް އުޅުއްވާ ސްކޫލްގެ އިސްލާމް މުދައްރިސުންނާއި ޤުރްއާން މުދައްރިސުންނާއި ދިވެހި މުދައްރިސުން އަދި ލައިބްރޭރިއަން ވެސް. ލައިބްރޭރިއަން ވަނީ ދިމާލަށްވެސް ބުނެފައި ޕްރިންސިޕަލްގެ ގާބިލް ކަމެއް ނެތޭ. އެކަމަކު ވަރަށް ގިނަ ކަންކަން ވަނީ ރަނގަޅު ކުރައްވާފަ" އެހެން ބެލެނިވެރިއަކު ބުންޏެވެ.
ސްކޫލްގެ ބައެއް ޓީޗަރުން ކަންތައް ކޮށްފައިމިވާ ގޮތުގެ ކަންބޮޑުވުން ސްކޫލްގެ ދަރިވަރަކާއި ބައެއް ބެލެނިވެރިން ވަނީ މީސްމީޑިއާގައި ވެސް ހިއްސާ ކޮށްފައެވެ.ސްކޫލްގެ ބައެއް ޓީޗަރުން ކަންތައް ކޮށްފައިމިވާ ގޮތުގެ ކަންބޮޑުވުން ސްކޫލްގެ ދަރިވަރަކާއި ބައެއް ބެލެނިވެރިން ވަނީ މީސްމީޑިއާގައި ވެސް ހިއްސާ ކޮށްފައެވެ. ދަރިވަރުންނާއި ބެލެނިވެރިން ދިން ބައެއް ހަދިޔާ ހުރީ ގެއަށްވެސް ނުގެންގޮސް އޮފީހުގައި ބަހައްޓާފައެވެ.
މިކަމާއި ގުޅޭގޮތުން ނަންހާމަ ނުކުރުމަށް އެދި "ދެން" އަށް މައުލޫމާތު ދެއްވަމުން ސްކޫލްގެ މެނޭޖްމަންޓުގެ އިސް ފަރާތެއް ވެސް ވިދާޅުވީ އުކުޅަހު ސްކޫލުގެ ބައެއް ޓީޗަރުން އެދުވަހު އެފަދައިން ކަންތައް ކުރެއްވި ކަމަށާއި ސްކޫލްގެ ޕްރިންސިޕަލަށް އިހްތިރާމާ ޤަދަރު ވެސް ނުކުރާ ކަމަށެވެ.
"ސްޓާފް މީޓިންގ ތަކުގައި ވެސް ޕްރިންސިޕަލް ވާހަކަ ދައްކަވާއިރު ޓީޗަރުން ތިއްބަވާނީ ފޯނާއި ކުޅެން. ސަމާލުކަމެއް ނުދެއްވާނެ. އެބޭފުޅުން ބޭނުންވަނީ ޕްރިންސިޕަލް ފޮނުވާލަންކަމަށް ލަފާ ކުރެވެނީ. ޓީޗަރުންގެ ދުވަހު ބެލެނިވެރިންނާއި ދަރިވަރުން ހިތުގައި ޖައްސާފައި އެޓީޗަރުން އެރޭ ރެސްޓޯރަންޓަކަށް ގޮސް ވަކިން އެދުވަސް ފާހަގަ ކުރީ" އެބޭފުޅާ ވިދާޅުވިއެވެ.
މިއީ ނަމޫނާ ދައްކަވަން ތިބި މީހުންގެ ފަރާތުން ދައްކާފައިވާ ވަރަށް ވެސް ހިތާމަވެރި ނާތަހުޒީބު ޢަމަލެކެވެ.
ހަދިޔާ ދިނުމަކީ މަނާކަމެއް ޓީޗަރުންގެ ދުވަހު
މާބޮޑަށް ތިއެނގެނީ
މަނާކަމެއްް ހަދިޔާދިނުމަކީ
މަނަލަސް އެހެން ޢަމަލުކޮށްގެން ނުވާނެއެއްނުން.
ކޮން ފޮތެެއްގަ އޮތީ ތިހެން ލިޔެފަ؟
ތީގެމންތި އިނގެނީ ތި ސުކޫލުގައި އޮތީ ފެއިލުވެފައި އޮތް މެނޭޖްމަންޓެއްކަން.. މިއީ ދެން ވަރަށް ވާހަކަ
ގައިދުރުކަމެއް ނުބަހައްޓާ ހަދިޔާދ ހެދުމަކީ މި ކޮވިޑުތެރޭ ގައިޑްލައިންއާ ހިލާފަ ކަންތައް
ތިވާނީ ނުކިޔަވާ ތިބި މޯދަނޑި ޓީޗަރުން އުޅޭ ސުކޫލެއް ކަމަށް… ނުކިޔަވާ ގޭ މީހުންނަށް ވަޒީފާ ދެންޔާ ފެންނާނީ ތިކަހަލަ ވިޔާނުދާ މީހުން އުޅޭތަން…
ޙަމަރަގަޅައްތިބުނީ
މިތަނައް ކޮއްމެ ޕްރިންސްޕަލް އެއް އަޔަސް ވާވަރު…
ކޮބާ މަނާ ނޫން ކަމެއް
ދެން ވެސް ގޮވާ ހަރުއަޑުން މުސާރަ ބޮޑުކުރޭ… މުސާރަ މުސާރަ. ތިއީ މިރާއްޖޭގެ ހުރިހާ ޓީޗަރުންގެވެސް ހާލު. އޮންލައިން ކޮށް ކިޔަވައިދޭން ފެއްޓީމަ ޕޭރަންޓުންނަށް ތިމަންޒަރު ވ.ރީތިކޮށް ފެނޭ. އަހަރެންގެ ދަރިފުޅު ދަނީ ޕްރައިވެޓް ސްކޫލަކަށް ހިތިން އެތަނަށް ވެއްދީވެސް ކުރިން ހުރި ސްކޫލުގައި ތަފާތުކުރުން ބޮޑުކަމުން އެކަމުން ދަރިފުޅު ސަލާމަތް ކުރަން. އެކަމަކު ހަމަ ޖެހުނުތާ ޖެހުނީ. ޕަބްލިކަކަސް ޕްރައިވެޓަކަސް ހަމަ އެކައްޗެއް.
ހުރިހާ މުދައްރިސުން އެއްގޮތެއް ނުވާނެ އިގޭތޯ. އަޅުގަނޑުމެންނަކީ ގުޅަން ޖެހުނު ކޮންމެ ވަގުތަކު ދަރިވަރު ސްކޫލަށް އޮފީހަށް ފޮނުވުމުގެ ބަދަލު އަޅުގަނޑުމެންގެ އަމިއްލަ ފޯނުން ޕޭރެންޓުންނަށް ގުޅާ ބައެއް. ޚިދުމަތުގައި މިވީ 5 އަހަރު އަދި މިހާތަނަށް ޕޭރެންޓަކަށް އެންމެ ރފ އެއް ވެސް ފޯނަށް ޚަރަދު ކުރަން ޖެހިފައި ނުވާނެ. އޮންލައިން ކުލާސްތައް ނެގި އިރު ސްކޫލްގެ ވައި.ފައި ގިނަފަހަރަށް ނުލިބޭތީ މަހަކު 50 ޖީބީ. އަމިއްލަ ޖީބުން ޚަރަދުކޮށްގެން އޮންލައިން ކުލާސްތައް ނެގީ. އެކި ލެވެލްގެ ކުދިންނަށް ތަފާތު މަސައްކަތްތައް ތައްޔާރު ކުރަން ވވވވ ގިނަ ވަގުތު ނަގާ…މިހުރިހާ ކަމެއްވެސް ކުރަނީ ހަމަ އުފަލުން. ލިބޭ މުސާރައަކަށްނޫން…ހަޤީޤަތުގައި ލިބޭ މުސާރަ އެކަށީގެނެއްވެސް ނޫން.
އަމިއްލަ ޖީބުން ހަރަދު ކޮށް އުޖޫރަ ނުލިބޭ ގޮތަށް އިތުރު ގަޑީގަ މަސައްކަތް ކުރުމަކީ މާމޮޅު ކަމެއް ނޫން. މި ދާއިރާއަށް ހެޔޮއެދުމެއްވެސް ނޫން. ގާނޫނާ ހިލާފް ކަމެއް. ޓީޗަރުންގެ ލާލަތު ގޯސްވަނީ ތިހެން އުޅޭތީ
ވަރަށް ބޮޑު ތެދެއް.ކުދިންނަށްޓަކާ ކުރާ ހުރިހާ ކަމެއްވެސް ކުރަނީ ވަރަށް ލޯބިން. ހުރިހާ އެންމެން އެއްގޮތެއް ނުވާނެ. ކިޔަވާ ދިނުމަށްޓަކާ ހޭދަވާ ވަގުތާއި ވިސްނާ ވިސްނުން ޓީޗަރަކަށް ނޫނީ އިހުސާސް ނުވާނެ.
ދެން ގޭގަ ކިޔަވަދޭން ވީނު.. ތިވަރު ވެފަ ތިހިރީ މުދައްރިސެއްގެ އެހީއާ ނުލާހެން ހީވަނީ!!
ރަގަނޅަށް ތިބުނީ ގޭގަ ކިޔަވަދެވޭނެ ނަމަ މަގޭ ދަރިއެއް ނުފޮނުވާނަން ސްކޫލަކަށް. އެކަމަކު ސުކޫލަށް ނުފޮނުވައި ބަހައްޓައިފިއްޔާވެސް މުއައްސަސާތަކުން ފަހާ ދުވާވަރުން ނުކުޅަދާން ނާނެ. ނޫނޭ މިވަރުވެފަ މިހިރީ މުދައްރިސުންގެ ވަރައްބޮޑު އެހީއާއި އެކު ހަމަ އެއެހީ ވެދިން ވަރަށް އިހިމާލުވެސްވި. ޥެދިން އެހީއަށް ޝްކުރުވެސް ކުރަން.
ވަރަށް ހީވޭ ޓީ އެސްކޫލްގެ ޓީޗަރެއްހެން���
ހުރިހާ ޓީޗަރުންނޭ ނުބުނޭ. ކޮންމެ ތާކުވެސް އުޅޭނެ އެކި ކަހަލަ މިޒާޖު މީހުން. އެތަނެއްގަ އުޅޭ ވަކި ބަޔަކު ކުރާކަމަކުން ހުރިހާ އެއްމެއްނަކީވެސް ހަމަ އެދަރަޖައިގެ މީހުންކަމަށް ދެކިގެން ނުވާނެ. ޓީޗަރުންގެ ތެރޭގަވެސް އެބައުޅޭ ވ ވ ވ ވ ވ ރަނގަޅު ޓީޗަރުން.
ހުރިހާ މުދައްރިސުން ތިހެނެއް ނުވާނެ. ބަސް ބުނުމުގެ ކުރިން ވިސްނާފަ ބުނޭ!
ވަރައްބޮޑަށް ޒަމާނައް ފެތޭ ޓީޗަރުން ކަމައް ފެންނަނީ
ވަރަށް ދަށު ދަރަޖައިގެ ވިޔާނުދާ އަމަލެއް. ތީ މި ދާއިރާއަށް ކިރިޔާވެސް ލޯތްބެއްޖެހިގެން ނިކުމެއުޅޭ ބައަކަށްނުވާނެ. މިކަހަލަ، ހަމައެކަނި ވަޒީފާއެއް ފުރުމުގެ ނިޔަތުގަ އުޅޭ ނާތަހުޒީބު މީިހުނާހުރެ ލަދުން ބޯހަލާކު.
ތިހުރިހާ މީހުން ވަޒީފާއިން ވަކިކުރޭ އަވަހަށް ނޫނީ ދަރިންތަކެއްހަލާކުވެ ހިގައިދާނެ
އެހެން ބޮޑާ ހާކާލާ ކޮންމެ ފަހަރަކު ޕްރިންސިޕަލް ބަދަލްކޮށްދިނީމަ އެތިބީ ފެނަށް ދިރިފަ. ޟިވރު ވެގެން ދާއިރު ފިޔަވަޅެއް ނޭޅެ؟ ދަރިންނަށް ދަސް މިކޮށްދެވެނީ ކޮންކަމެއް؟ މަސައްކަތެއް ބުރަވެލާއިރަށް ވެރިން ދެކެ މުވައްޒަފުން ރުޅި އައުމަކީ ދިވެހިންގެ ލޭގައި ހުންނަކަމެއް.
ދަރިވަރުން ޓިޗަރުންނައް ހަދިޔާ ދިނުމަކީ ކަރަޕްސަންގެ އަމަލެއް. ހަދިޔާ ދޭ ދަރިވަރުންނާމެދު ޓީޗަތުންގެ ހިތްތަކުން އިތުރު ހާއްސަކަމެއް ދެވޭނެ
ޓީޗަރެއްގެ ހައިސިއްޔަތުން ވަރަށް ލަދުގަނެއްޖެ. ޓީޗިންގް ދާއިރާގަ އުޅެންވާނީ އުޅޭހިތުން. ކިޔަވަދޭހިތުން. އަހަރުމެންވެސް އޮންލައިން ކްލާސްތައް ނަގަން. ވަރަށް އުފަލުން ނަގަނީ. އިނގޭ ލިބޭ މުސާރަ ވަރަށް ކުޑަކަން. އެކަމަކު ކުދިން ކުރިއަރައިގެން އަންނަ ތަންފެނުނީމަ މާ ހިތްހަމަޖެހޭ. އުފާވޭ! ކުދިން ކުރިމަތީގައި ނަމޫނާ ނުދެއްކުނީތީ ވަރަށް ލަދުގަނެއްޖެ. އެއްބައި ޓީޗަރުން ކުރާ ކަންތަކުން މުޅ ފީލްޑްގަ އުޅޭ އެންމެނަށް އަމާޒުވާނެ
ތީވަރަށް ރަގަޅު ވަހަކައެއް
ހެޔޮނުވާނެ ޕިސްޕިސް
އުކުޅަހު ސްކޫލު ޓީޗަރުން ބޭނުންވަނިީ މުސާރަ! ސްކޫލު ރަސްމީ ގަޑީގައި ކޭކު އަޅަން ނުފޮނުވާތީ! މޮޔަވަނީ!
ދަރިވަރުން ޓިޗަރުންނައް ހަދިޔާ ދިނުމަކީ ކަރަޕްސަންގެ އަމަލެއް. ހަދިޔާ ދޭ ދަރިވަރުންނާމެދު ޓީޗަތުންގެ ހިތްތަކުން އިތުރު ހާއްސަކަމެއް ދެވޭނެ. ދަރިވަރުން ނަތީޖާ ގެނެސްދިނީމަ ނިމުނީ…
ވައްތަރު ޖައްސާ ހުރިހާ ޓީޗަރުން ވަކިކުރޭ… ފެންވަރު އޮޅިފަ އެތިބެނީ….
ތީ އަބަދުވެސް ތިތަނުގެ ހާލަތު! ވ. ދެރަކަން ކަން
ލަދު ހަޔާތުގެ ކަންފުޅެއްވެސް ނެތިއްޔޭ.
ސުބުހާނައްﷲ. ހާދަހާ ދެރަކަމެކޭ! ޓީޗަރުންނަށް ކުފޫހަމަވޭބާ. ތިމާމެންނާ ސުވާލުކުރެވޭނެ ދުވަހެއް އޮތްކަންވެސް ހަނދާންނެއްބާ. ތިމާމެންގެ އިހުމާލުން ޖީލެއް ހަލާކުގެ ތެރެއަށް ތިވައްޓާލެވެނީ. މީހަކުދެކެ ރުޅިއަޔަސްވެސް ވަޒީފާގެ ޒިންމާ ކޮބައިބާ. ތިހުރިހާ ޓީޗަރުންނަށް ހެޔޮވިސްނުން ދެއްވާށި! އާމީން
ތިކަހަލަ ގޮތެއް ނެތް ޓީޗަރުންގެ ސަބަބުން އަހަރަމެންގެ އަގުމިވެއްޓެނީ ކޮންމެ ޓީޗަރަކީ ގޯސްޓީޗަރެއް ނޫން ދަރިވަރަކު ހަދިޔާ އަކަށް ހިކިފަތެއް ދިނަސް އެއީ ވަރަށް އުފަލުން ގަބޫލުކުރަންޖެހޭ އެއްޗެއް އެއްވެސް އެއްޗެއްނުދީ އެކުދިންގެ ލޯބި ހިނިތުންވުން ފެނުނަސް ފުދޭ ޓީޗަރުން ޒާތްކޮޅު ބޮޑުކޮށް ދަރިވަރުގެ އަގުވައްޓާލުމަށް ތިކުރި ދަށުދަރަޖައިގެ އަމަލު ކުއްވެރިކުރަން
މީ ވަރަށް ބާރު ގަދަ ބައެއް! ޢެކަކު އުޅެނީ މާލެ ގޮސްފައި ޕީޢެސް އާއި އެކު ކަށިވެލިލާން! މިތާގެ ބައެއް ޓީޗަރުން ދަރިންނާއި ވާހަކަ ދައްކަނީ ވ.ޙަރުކަށިކޮށް
ތިތަނަށް ނިކަން މަފޮނުވަބަލަ… ބުނާގޮތަށް ނަހަދާ ޓީޗަރަކަށް ލާހިކެއް ނޫން ގޭޓުންވެސް ވަންނާކަށް. ގޭގަ ތިބެންޖެހޭނީ…..
ވ ރަނގަޅ. ފާޑުފާޑަށް ގޮތްދައްކާފައ ދަރިވަރުންނަށާއ ތަނަށ ގެއްލުންވ ގޮތަށ އުޅުމުގ ފުރުސަތު އެއްވެސް މުވައްޒަފަކަށް ދީގެން ނުވާނެ. އެވައްތަރަށް އުޅޭ ހުރިހާ ޓީޗަރުން ސައިޒްކޮށް ހަމަމަގަށް އެޅުވޭވަރު ޕްރިންސިޕަލެއް ބޭނުންވޭ.. މަވެސްމީ ޓީޗަރެއް. އެކަމް ބޭނުންހާ ގޮތަކަށް ޓީޗަރުން އުޅެން ތާއީދެއް ނުކުރަން
ތިފެންވަރުގެ އަޚްލާޤު ދަށް ޓީޗަރުން ކުޑަކުޑިންނަށް ކިޔަވަ ދީގެން، މާދަން އެކުދިން ބޮޑެތިވެގެން މުޖުތަމަޢު ތެރެއަށް ނުކުތީމަ ދެންވެގެން ދާނެ ގޮތަކާމެދު ވިސްނާފަ، ވާންޗޯ ޓީޗަރުން ބޭރުކުރަން ޖެހޭ
ދެ އީދު ފިޔަވާ އެހެން އެއްްވެސް ދުވަހެއް ފާހަގަ ކުރުމަކީ ދީން ހުއްދަ ކުރާ ކަމެއްވެސް ނޫން ހަގީގަތުގައި.
އުކުޅަހު ސްކޫލަކީ ވ. މޮޅެތި ޓީޗަރުން ތިބި ތަނެއް! އެކަމަކު ކިތަންމެ މޮޅު ނަމަވެސް ތީ ވަރަށް އަނިޔާވެރި ބަޔަކު ކުރާނެ ކަމެއް!
މޮޅުވެގެންގޮސް ފެންވަރު އޮޅުނީއޮތަ!
ބެލެނިވެރިން ދައްކާހާ ވާހަކައެއް ގަބޫލު ކުރެވޭކަށް ނެތް. ހަގީގަތަކީ ބެލެނިވެރިން ތިބެނީ ޓީޗަރުންނޭ ކިޔައިގެން މޮޅެތި ވާހަކަ ދައްްކާނެ ފުރުސަތެއް ނުލިބިފަ
އާ މިއުޅެނީ ކުރާނެ ކަމެއް ނެތިގެން ވިއްޔަ..
މިގޮތައް އަމަލު ކުރާ ހުރިހާ ޓީޗަރިން ވަޒީފާއިން ވަކިކޮށް ގެއަށް ފޮނުވާލާ
އުކުޅަހު ސުކޫލުގައި ޕުރިންސިޕަލް އަކު ނުވަތަ އެމަޤާމުގަ މީހަކު އެބަހުރިތަ؟