Monday, 16 November 2026
Advertisement
MWSC — SmartMeter (leaderboard)
ޚަބަރު

ދެ އަތޮޅެއް ފިޔަވައި ހުރިހާ އަތޮޅަކުން ހެޔޮ އަގުގައި މަސްވެރިންނަށް ތެޔޮ ލިބޭނެ: ފިޝަރީޒް މިނިސްޓަރު

ދެ އަތޮޅެއް ފިޔަވައި ހުރިހާ އަތޮޅަކުން ހެޔޮ އަގުގައި މަސްވެރިންނަށް ތެޔޮ ލިބޭނެ: ފިޝަރީޒް މިނިސްޓަރު

ރާއްޖޭގެ ދެ އަތޮޅެއް ފިޔަވާ އެހެން ހުރިހާ އަތޮޅަކުން އަގު ހެޔޮކޮށް މަސްވެރިންނަށް ތެޔޮ ލިބެނޭ އިންތިޒާމް ހަމަޖެހިފައިވާ ކަމަށް  ފިޝަރީޒް މިނިސްޓަރު އަހުމަދު ޝިޔާމް މިއަދު ވިދާޅުވެއްޖެއެވެ.

ރައީސް އޮފީހުގައި މިއަދު ބޭއްވި ނޫސްވެރިންގެ ބައްދަލުވުމުގައި ވަޒީރު ވިދާޅުވީ މެދު އިރުމަތީގައި ހިނގަމުން އަންނަ ހަނގުރާމައިގެ ސަބަބުން ރާއްޖޭގެ މަސްވެރި ސިނާއަތަށް އޭގެ ނެދެވޭ އަސަރުކުރަމުން އަންނަ ކަމަށެވެ. އެހެން ނަމަވެސް އެކަމުގެ ސަބަބުން މަސްވެރިންނަށް ދިމާވާ ގޮންޖެހުންތައް ކުޑަކުރުމަށްޓަކާ ސަރުކާރުން މުހިންމު ފިޔަވަޅުތަކެއް އަޅާފައިވާ ކަމަށް  ޝިޔާމް ވިދާޅުވިއެވެ.

އެގޮތުން މަސްވެރިންނަށް ވިއްކާ ތެޔޮ ހެޔޮ އަގުގައި ލިބޭނެ އިންތިޒާމް ހަމަޖެހިގެން ދިއުމަކީ ސަރުކާރުން އެޅި ފިޔަވަޅުތަކުގެތެރެއިން މުހިންމު ފިޔަވަޅެއް ކަމަށް ވަޒީރު ވިދާޅުވިއެވެ. މިއީ މަސްވެރިން މަސް ކަނޑުތަކަށް ނެރުމަށްޓަކާ ކުރެވުނު މަސައްކަތްތައްކަމަށް ވަޒިރު ވިދާޅުވިއެވެ.

Advertisement
Ooredoo — Truecaller (box)

ވަޒީރު ވިދާޅުވީ މިވަގުތު ރާއްޖޭގެ ދެ އަތޮޅެއް ފިޔަވާ އެހެން ހުރިހާ އަތޮޅަކުން މަސްވެރިންނަށް ހެޔޮ އަގުގައި ތެޔޮ ލިބޭނެ ކަމަށެވެ.

އަދި އަނެއް ދެ އަތޮޅަށް ވެސް އަގުހެޔޮކޮށް ތެޔޮ ފޯރުކޮށްދިނުމުގެ މަސައްކަތް ކުރުމަށްޓަކާ މަސައްކަތްތަކެއް ކުރަމުން އަންނަކަމަށް ވަޒީރު ވިދާޅުވިއެވެ.

މެދުއިރުމަތީގައި ހިނގަމުންދާ ހަނގުރާމައާއި ގުޅިގެން ދުނިޔޭގެ ބާޒާރުގައި ތެލުގެ އަގު އުފުލެމުންދާތީ އެކަމުގެ ސަބަބުން ރާއްޖޭގެ މަސްވެރިންނަށް ކުރާ އަސަރު ކުޑަކުރުމަށްޓަކައި ސަރުކާރުން އަންނަނީ ގިނަ މަސައްކަތްތަކެއް ކުރަމުންނެވެ.

މި ހާލަތުގައިވެސް މަސްވެރިކަމުގެ ސިނާއަތް ހުއްޓުނަނުދީ ކުރިއަށް ގެންދިއުމަށް ރައީސުލްޖުމްހޫރިއްޔާ ޑރ. މުހައްމަދު މުއިއްޒު ދެއްވާފައިވާ އިރުޝާދުގެ މަތިން، ސަރުކާރުން ވަނީ މަސްވެރި، އުޅަނދުފަހަރަށް ހެޔޮ އަގެއްގައި ޑީސަލް ވިއްކަން ފަށާފައެވެ.

ރިއެކްޝަން

Advertisement
Ooredoo — Truecaller (box)

ކޮމެންޓް

މި ލިޔުމަށް ކޮމެންޓް ކުރުން ވަނީ ބަންދުކޮށްފައެވެ.