Tuesday, 17 November 2026
Advertisement
HDC — Share-Below (leaderboard)
ޚަބަރު

ނޯތު ހާބަރުގެ ވަކި ކިޔޫއެއް އިހުތިޔާރުކުރަން ޖެހޭ ގޮތަށް އުސޫލު ބަދަލުކޮށްފި

މާލޭ ނޯތު ހާބަރުގައި މުދާ ބަރުކުރުމަށް އުޅަނދުފަހަރު ކީ ވޯލް ނުވަތަ ބަނދަރާ ކައިރި ކުރަން އޮންނަ ކިޔޫގައި ޖެހެން ނަން ނޯޓު ކުރަން އޮތް އުސޫލަށް ބަދަލުތަކެއް ގެނެސްފިއެވެ.

މޯލްޑިވްސް ޕޯޓްސް ލިމިޓެޑުން އުސޫލަށް ބަދަލު ގެނެސް ގެޒެޓުގައި އާންމުކޮށްފައިވާ ގަވާއިދުގައިވާ ގޮތުން  ނޯތު ހާބަރުގެ އޭ ޒޯން، ސީ ޒޯން ނުވަތަ އެކްސްޕްރެސް ޒޯނުގެ ތެރެއިން އުޅަނދަކަށް އިހްތިޔާރު ކުރެވޭނީ އެންމެ ކިޔޫއެކެވެ. އަދި އެއް ދަތުރެއް ކަމަށް ބަލާނީ ނޯތު ހާބަރުގެ ޒޯނަކަށް ދޫކުރާ ކިޔޫ ތަރުތީބުން ޖާގަ ދެވި ކީވޯލަށް އުޅަނދު ކައިރިކޮށް މުދާ އަރުވައި ނިމި، ކީވޯލަށް ދައްކަންޖެހޭ ފައިސާ ދެއްކުމަށް ފަހު ފުރުމުން ކަމަށް ވެސް ބުނެފައިވެއެވެ.

މީގެ އިތުރުން ކީވޯލުން ޖާގަ ދިނުމަށް ގުޅުމުން ކައިރި ނުކުރެވިއްޖެ ނަމަ، ފަސް ދުވަހަށް ކިޔޫ ހޯލްޑް ކުރެވޭ ގޮތަށް އޮތް އުސޫލުވެސް މިހާރު ވަނީ އުވާލާފައެވެ. ކުރިން މި ގޮތަށް  ފަސް ދުވަހުގެ މުއްދަތަކަށް ކިޔޫން ކެންސަލް ނުވާ ގޮތަށް ހޯލްޑްކުރުމަށް ފުރުސަތު ދީފައި އޮންނަނީ އޭ ޒޯން އަދި ސީ ޒޯންގެ ކިއުއަށެވެ.

Advertisement
Allied Insurance — Square (box)

ނަމަވެސް  އެއްވެސް ސަބަބަކާ ހުރެ ޖާގައަށް ކައިރިނުކުރެވިއްޖެ ނަމަ ނުވަތަ ފޯނަށް ޖަވާބު ނުދެވިއްޖެ ނަމަ ގިނަވެގެން ތިން ފަހަރު މަތިން ޖާގަ ފަސްކުރެވޭ ގޮތަށް އުސޫލުގެ ބަޔަށް ދާނީ އަމަލުކުރަމުން ކަމަށް ވެސް ގަވާއިދަށް ގެނައި އިސްލާހުގައި ބުނެފައިވެއެވެ.

އަންނަ ހޯމަ ދުވަހުގެ ރޭ 11:59 އިން ފެށިގެން މި ބަދަލަށް އަމަލުކުރާނެ ކަމަށް ބުނެފައިވާއިރު މި ބަދަލު ގެނެސްފައިވަނީ މިދިޔަ މާޗު މަހު ނޯތު ހާބަރުގެ ކިޔޫގައި ޖެހުމަށް އޮންނަ އުސޫލަށް ގެނައި ބަދަލުތަކާ ގުޅިގެން އުޅަނދަކުން މަހަކު މުދާ އުފުލަން ކުރާ ދަތުރުތައް މަދުކުރަން މަޖުބުރުވެ އޮޑިވެރިންގެ ޝަކުވާތައް ބޮޑުވެފައި ވަނިކޮށެވެ.

ރިއެކްޝަން

Advertisement
Allied Insurance — Square (box)

ކޮމެންޓް

މި ލިޔުމަށް ކޮމެންޓް ކުރުން ވަނީ ބަންދުކޮށްފައެވެ.