Tuesday, 17 November 2026
Advertisement
Ooredoo — Article-Top (leaderboard)
ޚަބަރު

ޖަޕާނަށް އައި ބިންހެލުމާ ގުޅިގެން އެ ޤައުމުގެ ބޮޑުވަޒީރަށް ރައީސް ތަޢުޒިޔާ ފޮނުއްވައިފި

ޖަޕާނަށް އައި ބިންހެލުމާ ގުޅިގެން އެ ޤައުމުގެ ބޮޑުވަޒީރަށް ރައީސް ތަޢުޒިޔާ ފޮނުއްވައިފި

ޖަޕާނުގެ ކުމަމޮޓޯ ޕްރިފެކްޗަރ ސަރަޙައްދަށް އައި ބާރުގަދަ ބިންހެލުމެއްގައި އެތައް ބައެއްގެ ފުރާނަ ގެއްލި، ގިނަ ބަޔަކަށް އަނިޔާވެ، ޢާންމުންގެ ގެދޮރާއި މުދަލުގެ އިތުރުން ޢުމްރާނީ ވަސީލަތްތަކަށް ލިބުނު ބޮޑެތި ގެއްލުންތަކާ ގުޅިގެން، ރައީސުލްޖުމްހޫރިއްޔާ ޑޮކްޓަރ މުޙައްމަދު މުޢިއްޒު، ޖަޕާނުގެ ބޮޑުވަޒީރު ތަކައިޗީ ސަނައެ އަށް ތަޢުޒިޔާ ފޮނުއްވައިފިއެވެ.

ޖަޕާނުގެ ބޮޑުވަޒީރަށް ރައީސުލްޖުމްހޫރިއްޔާ ފޮނުއްވި މެސެޖުގައި، މި ހިތާމަވެރި ކާރިސާއާ ގުޅިގެން ފުން ހިތާމައެއް ލިބިވަޑައިގަތްކަން ފާހަގަކުރައްވާފައިވެއެވެ. އަދި ދިވެހި ސަރުކާރާއި ރައްޔިތުންގެ ނަމުގައި، ޖަޕާނުގެ ބޮޑުވަޒީރަށާއި، ސަރުކާރަށާއި އެ ޤައުމުގެ ރައްޔިތުންނަށް މި ހިތާމަދަނޑިވަޅުގައި ހަމްދަރުދީ ފޮނުއްވާފައިވެއެވެ.

މީގެ އިތުރުން، މި ކާރިސާގައި ލޯބިވާ ޢާއިލާގެ މެންބަރުން ގެއްލުނު ފަރާތްތަކަށް ރައީސް ޑރ. މުޢިއްޒު ވަނީ ތަޢުޒިޔާ ރައްދުކުރައްވާފައެވެ. އަދި އަނިޔާވި މީހުންނާއި، ގެދޮރު ގެއްލިފައިވާ މީހުންނާއި، މި ހިތާމަވެރި ޙާދިސާގެ އަސަރުކޮށްފައިވާ އެންމެހާ ފަރާތްތަކާ އެކު ދިވެހިން ތިބިކަން ހާމަކުރެއްވިއެވެ. ބިންހެލުމުގެ ސަބަބުން ލިބުނު ގެއްލުންތަކުން އަރައިގަނެ، ޤައުމު އާރާސްތުކުރުމަށް ޖަޕާނުގެ ރައްޔިތުން ކުރަމުންދާ ބުރަ މަސައްކަތުގައި ދިވެހިންގެ ހެޔޮދުޢާ އެމީހުންނާ އެކު ވާކަމުގެ ޔަޤީންކަން ވެސް ރައީސް ދެއްވިއެވެ.

Advertisement
HDC — Sidebar (box)

ރައީސުލްޖުމްހޫރިއްޔާގެ މެސެޖު ނިންމަވާލައްވަމުން، ޖަޕާނުގެ ރައްޔިތުންނަށް ފުރިހަމަ ޞިއްޙަތާއި ރައްކާތެރިކަން މިންވަރުކުރެއްވުމަށް އެދި ދުޢާކުރައްވާފައިވެއެވެ. އަދި މި އުނދަގޫ ވަގުތުން އަރައިގަތުމުގެ ހިތްވަރާއި ކެތްތެރިކަން އެ ޤައުމަށް ލިބި، އަވަސް މުސްތަޤުބަލެއްގައި ޢާންމު ޙާލަތަކަށް ރުޖޫޢަވުމަށް އުންމީދުކުރައްވާ ކަމުގައި ވެސް ވިދާޅުވެފައިވެއެވެ.

ރިއެކްޝަން

Advertisement
Ooredoo — Square (box)

ކޮމެންޓް

މި ލިޔުމަށް ކޮމެންޓް ކުރުން ވަނީ ބަންދުކޮށްފައެވެ.