އަނބިމީހާ ފަލައޭ ބުނެގެން މިލަންދޫގައި މާރާމާރީ ހިންގި މީހަކު ހައްޔަރުކޮށްފި

ށ. މިލަންދޫގައި މާރާމާރީ ހިންގި މީހަކު ހައްޔަރުކޮށްފިއެވެ.

"ދެން"އަށް އެނގިފައިވާ ގޮތުން ދަންވަރު މާރާމާރީ ހިންގީ ސޯޝަލް މީޑިއާގައި އަނބިމީހާ ފަލައޭ ބުނެގެންނެވެ.

އެގޮތުން އަންހެން މީހާގެ ފިރިމީހާ ވަނީ އެފަދައިން ބުނި މީހާއާއެކު މާރާމާރީ ހިންގައިފައެވެ.

"ދެން"އަށް އެނގިފައިވާ ގޮތުން އަންހެން މީހާގެ ފިރިމީހާ ވަނީ ވަޅިން ހަމަލާ ދޭނެކަމުގެ އިންޒާރު ވެސް ދީފައެވެ.

ފުލުހުންގެ މީޑިއާ އޮފިޝަލު ވިދާޅުވީ އެ މައްސަލައިގައި 22އަހަރުގެ މީހަކާއި 31އަހަރުގެ މީހަކު ހައްޔަރުކުރި ކަމަށެވެ.

ނަމަވެސް 31އަހަރުގެ މީހާ ކޯޓުން ދޫކޮށްލައި އަދި 22އަހަރުގެ ފިރިހެން މީހާ 12ދުވަހަށް ބަންދުކުރަން ވެސް ކޯޓުން ވަނީ އަމުރުކޮށްފައެވެ.

އެ މާރާމާރީގައި މާބޮޑު އަނިޔާއެއް ލިބިފައެއް ނުވެއެވެ.

ފުލުހުން ބުނީ އެ މައްސަލަ އިތުރަށް ތަހުގީގުކުރަމުންދާ ކަމަށެވެ.