Tuesday, 17 November 2026
Advertisement
HDC — Share-Below (leaderboard)
ޚަބަރު

ބޭރުގެ ކޮންޓްރެކްޓަރުންގެ ވިތުހޯލްޑިންގ ޓެކްސް ދެގުނައަށް ބޮޑުކުރަން މަޖިލީހުން ނިންމައިފި

ބޭރުގެ ކޮންޓްރެކްޓަރުންގެ ވިތުހޯލްޑިންގ ޓެކްސް ދެގުނައަށް ބޮޑުކުރަން މަޖިލީހުން ނިންމައިފި

ބިދޭސީ ކޮންޓްރެކްޓަރުންގެ އަތުން ނަގަމުން އަންނަ ވިތުހޯލްޑިންގ ޓެކްސް ދިހަ އިންސައްތައަށް ބޮޑުކުރުމަށް ރައްޔިތުންގެ މަޖިލީހުގެ މިއަދުގެ ޖަލްސާއިން ފާސްކޮށްފިއެވެ.

ސަރުކާރުގެ ފަރާތުން އާމްދަނީން ޓެކްސް ނެގުމުގެ ގާނޫނަށް މި މުހިންމު ބަދަލު ގެނައުމަށް ހުށަހެޅުއްވީ މަތިވެރި ދާއިރާގެ މެންބަރު ޙަސަން ޒަރީރެވެ. މުޅި މަޖިލީހުގެ ކޮމިޓީން ބިލު ދިރާސާކޮށް ނިންމި ގޮތަށް މި އިސްލާހު ފާސްކުރީ ވޯޓުގައި ބައިވެރިވެވަޑައިގެންނެވި 64 މެންބަރުންގެ ފުރިހަމަ އިއްތިފާގުންނެވެ. އަލަށް ގެނެވުނު އިސްލާހުގެ ދަށުން، ގާނޫނުގައި ކުރިން ފަސް އިންސައްތައިގައި ކަނޑައެޅިފައި އޮތް ވިތުހޯލްޑިންގ ޓެކްސްގެ މިންވަރު މިވަނީ ދެގުނައަށް އުފުލިފައެވެ.

މި ގާނޫނީ ބަދަލާ އެކު، ރާއްޖޭގައި ވަޒަންވެރިވެފައި ނުވާ ފަރާތްތަކުން ހިންގާ ދާއިމީ މަރުކަޒުތަކަށް ލިބޭ އާމްދަނީން ކަނޑާ ވިތުހޯލްޑިންގ ޓެކްސްއަކީ، އެ ފަރާތެއްގެ މުޅި ޓެކްސްގެ ގޮތުގައި ބެލުމުގެ އިހުތިޔާރު ލިބިގެންދާނެއެވެ. ނަމަވެސް، ޓެކްސް ދައްކާ ފަރާތުން މިގޮތަށް އަމަލުކުރަން ނިންމައިފިނަމަ، އެ އާމްދަނީން އިތުރު އެއްވެސް މިންވަރެއް އުނިކުރުމުގެ ފުރުސަތެއް ފަހުން ނޯންނާނެކަމަށް ބިލުގައި ބަޔާންކޮށްފައިވެއެވެ.

Advertisement
Allied — Dhen Online (box)

ދައުލަތުގެ މާލިއްޔަތަށް މިކަމުގެ ސަބަބުން ހެޔޮ ބަދަލުތަކެއް އަންނާނެކަމަށް ސަރުކާރުން އަންދާޒާކުރެއެވެ. އެގޮތުން، ޓެކްސްގެ ނިސްބަތަށް ގެނެވުނު މި އިތުރުވުމާ އެކު ކޮންމެ އަހަރަކު ވެސް ދައުލަތުގެ އާމްދަނީއަށް ގާތްގަނޑަކަށް 251 މިލިއަން ރުފިޔާ އިތުރުވެގެންދާނެކަމަށް ވަނީ ލަފާކޮށްފައެވެ.

ރިއެކްޝަން

Advertisement
Allied Insurance — Square (box)

ކޮމެންޓް

މި ލިޔުމަށް ކޮމެންޓް ކުރުން ވަނީ ބަންދުކޮށްފައެވެ.