Tuesday, 17 November 2026
Advertisement
MWSC — SmartMeter (leaderboard)
ޚަބަރު

ވެމްކޯގެ ޚިދުމަތްތަކަށް ލުއިފަސޭހަކަން ފޯރުކޮށްދިނުމަށް މޯބައިލް އެޕްލިކޭޝަން އިފްތިތާޙުކޮށްފި

ވެމްކޯގެ ޚިދުމަތްތަކަށް ލުއިފަސޭހަކަން ފޯރުކޮށްދިނުމަށް މޯބައިލް އެޕްލިކޭޝަން އިފްތިތާޙުކޮށްފި

ވޭސްޓް މެނޭޖްމަންޓް ކޯޕަރޭޝަން (ވެމްކޯ)އިން ފޯރުކޮށްދެމުންދާ އެންމެހައި އިދާރީ ޚިދުމަތްތަކާއި ފައިސާގެ މުޢާމަލާތްތައް އެއް ޕްލެޓްފޯމަކުން ކަސްޓަމަރުންނަށް ފަސޭހަކަމާ އެކު ލިބޭނެ އިންތިޒާމު ހަމަޖެއްސުމުގެ މަޤުޞަދުގައި އެ ކުންފުނީގެ ރަސްމީ މޯބައިލް އެޕްލިކޭޝަން އިފްތިތާޙުކޮށްފިއެވެ.

އަލަށް ތަޢާރަފުކުރެވުނު މި ޑިޖިޓަލް ވަސީލަތުގެ ސަބަބުން، ކުންފުނީގެ ޚިދުމަތްތަކަށް އޮންލައިންކޮށް ރަޖިސްޓްރީވުމުގެ އިތުރުން، އާންމުކޮށް އުކާލާ ކުނީގެ ބޭރުން ވަކިވަކިން އުކާލަން ބޭނުންވާ ތަކެތި ނެގުމަށް އެދި ހުށަހެޅުން ވެސް ވަރަށް ބޮޑަށް ފަސޭހަވެގެންދާނެއެވެ. ހަމައެއާ އެކު، ކަސްޓަމަރުންގެ ބިލުތަކުގެ ތަފްސީލުތައް ބަލައިލުމާއި، ކުރިން ދައްކާފައިވާ ފައިސާގެ ރެކޯޑުތައް ފެންނަން ހުރުމުގެ އިތުރުން، އެޕްލިކޭޝަންގެ ތެރެއިން ރައްކާތެރިކަމާ އެކު ބިލަށް ފައިސާ ދެއްކޭނެ ނިޒާމު ވެސް ވަނީ ޤާއިމުކޮށްފައެވެ.

ޚިދުމަތް ހޯދާ ފަރާތްތަކަށް ދިމާވާ ދަތިތައް ޙައްލުކޮށްދިނުމަށްޓަކައި މުހިންމު ފީޗަރތަކެއް މި އެޕްގައި ހިމަނާފައިވެއެވެ. އެގޮތުން، ވެމްކޯގެ ކަސްޓަމަރ ސަޕޯޓް އެޖެންޓުންނާ ސީދާ މުޢާމަލާތްކުރެވޭނެ ޗެޓްގެ ޚިދުމަތާއި، ޝަކުވާތައް ހުށަހެޅޭނެ ފަސޭހަ މަގު ވަނީ ފަހިކޮށްދީފައެވެ. އަދި ހުށަހަޅާފައިވާ މައްސަލަތަކާއި ރިކުއެސްޓްތައް ގޮސްފައިވާ ހިސާބު ވަގުތުން ވަގުތަށް ބަލައިލެވޭނެކަން ވެސް އެ ކުންފުނިން ފާހަގަކުރެއެވެ.

Advertisement
HDC — Sidebar (box)

ގޫގުލް ޕްލޭ ސްޓޯރު <a href="https://play.google.com/store/apps/details?id=mv.com.wamco.online&amp;fbclid=IwRlRTSATxN21wZG9mBWZkaWQWUMtQAqo3M8WzwZooKovUaN32OqGQnWV4dG4DYWVtAjExAHNydGMGYXBwX2lkCjY2Mjg1NjgzNzkAAR7HSyZ4Wcv5t1VrDqS6R-qxsYmzFRqRaHyJwLHqS77oEzGOnIZIsWz_6mQXgg_aem_HckP1uQ9WMzt67-nU1lZ1Q">ލިންކް</a> އަދި އެޕަލް އެޕް ސްޓޯރު <a href="https://apps.apple.com/mv/app/wamco/id6759999011">ލިންކް</a>އިން ހިލޭ ޑައުންލޯޑު ކުރެވޭ މި އެޕްލިކޭޝަން ބޭނުންކުރަން ފެށޭނީ ރައްކާތެރި ޑިޖިޓަލް އައިޑެންޓިޓީ ނިޒާމު ކަމަށްވާ 'އީފާސް' މެދުވެރިކޮށް ލޮގިން ވުމުންނެވެ. ވެމްކޯއިން ވަނީ އެޕްލިކޭޝަން ބޭނުންކުރަން ކަސްޓަމަރުންނަށް ފަސޭހަކޮށްދިނުމުގެ ގޮތުން އެކަމަށް ޚާއްސަ ތަފްސީލީ <a href="https://www.facebook.com/share/r/1DLTFpcxwX/?mibextid=wwXIfr">ވީޑިއޯއެއް</a> ވެސް އާންމުކޮށްފައެވެ.

ރާއްޖޭގެ ހުރިހާ ސިޓީއެއްގެ އިތުރުން މާލެ ސަރަޙައްދުގައި ކުނި މެނޭޖުކުރުމުގެ މައިގަނޑު މަސައްކަތް ކުރަމުން އަންނަ ވެމްކޯއިން ދަނީ، އާބާދީ ބޮޑެތި އެހެނިހެން ރަށްރަށަށް ވެސް މި ޚިދުމަތްތައް ފުޅާކުރުމުގެ މަސައްކަތް ހަލުވިކަމާ އެކު ކުރަމުންނެވެ.

ރިއެކްޝަން

Advertisement
Allied — Dhen Online (box)

ކޮމެންޓް

މި ލިޔުމަށް ކޮމެންޓް ކުރުން ވަނީ ބަންދުކޮށްފައެވެ.