72 އަހަރުގެ މީހަކަށް ގަދަކަމުން ޖިންސީ ގޯނާކޮށް މަރުގެ އިންޒާރުދިން މީހަކު ހައްޔަރަށް

ރ. އަނގޮޅިތީމު ގެއަކަށް މީހަކު ވަދެ 72 އަހަރުގެ ދިވެހި އަންހެނަކާމެދު ގަދަކަމުން ޖިންސީގޯނާކޮށް މަރާލާނޭކަމަށް ބުނެ އިންޒާރުދިން މީހަކު ހައްޔަރުކޮށްފިއެވެ.

ފުލުހުންގެ ޚިދުމަތުން ބުނީ، މި މައްސަލަ 2026 ސެޕްޓެމްބަރު 27ވަނަ ދުވަހުގެ ރޭ 8:30 އެހައިކަންހާއިރު ހުށަހަޅާފައިވާ ކަމަށެވެ. އަދި އަނިޔާލިބުނު މީހާއަށް އަނގޮޅިތީމު ހެލްތު ސެންޓަރުގައި ފަރުވާދިނުމަށް ފަހު ދޫކޮށްލާފައިވާ ކަމަށް ފުލުހުން މައުލޫމާތުދެއެވެ.

މި މައްސަލައާ ގުޅިގެން، ކޯޓު އަމުރެއްގެ ދަށުން 44 އަހަރުގެ ދިވެހި ފިރިހެނަކު ސެޕްޓެމްބަރު 28ވަނަ ދުވަހުގެ ރޭ 21:57 އެހައިކަންހާއިރު ހައްޔަރުކޮށްފައިވާ ކަމަށް ފުލުހުން ބުނެއެވެ.

މި މައްސަލަ ފުލުހުން ދަނީ ތަހުގީގުކުރަމުންނެވެ.