ސިހުރު ހަދާކަމުގެ ތުހުމަތުގައި ވަންދޫއިން މުދިމަކު ހައްޔަރުކޮށްފި

ސިހުރު ހަދާކަމުގެ ތުހުމަތުގައި ތ. ވަންދޫއިން މުދިމަކު ހައްުޔަރުކޮށްފިއެވެ.

ފުލުހުން މީޑިއާތަކާ ހިއްސާކުރި މެސެޖެއްގައި ބުނީ ސިހުރު ހަދާކަމުގެ ތުހުމަތުގައި ވަންދޫއިން 61 އަހަރުގެ ދިވެހި ފިރިހެނަކު ހައްޔަރުކޮށްފައިވާ ކަމަށެވެ. އިތުރު ތަފްސީލެއް ފުލުހުން ނުދެއެވެ.

ނަމަވެސް "ދެން"އަށް އެނގިފައިވާ ގޮތުން ހައްޔަރުކުރި މީހާއަކީ އެ ރަށުގެ މިސްކިތުގައި ވަގުތީ ގޮތުން މުދިމެއްގެ މަގާމު އަދާކުރަމުންދާ މީހެކެވެ.

އޭނާ ސިހުރު ހަދާފައިވާ ކަމަށް ބެލެވޭ ލަކުނޑިގަނޑެއް މޫދަށް ދޫކޮށްލާ މަންޒަރު ފެންނަ ވީޑިއޯއެއް ވެސް ސޯޝަލް މީޑިއާގައި ދަނީ ދައުރުވަމުންނެވެ.

ސިހުރު ހެދުމުގެ މައްސަލަތައް ރާއްޖޭގައި ބޮޑެވެ. އަދި އެ ފަދަ މައްސަލަތަކުގައި މީހުން ދޭތެރެ ދޭތެރެއިން ހައްޔަރުވެސްކުރެއެވެ.