Tuesday, 17 November 2026
Advertisement
STO — McCoy (leaderboard)
ޚަބަރު

ނުކުޅެދުންތެރިކަން ހުންނަ 416 ފަރާތަކަށް ވަޒީފާގެ ފުރުސަތު ފަހިކޮށްދީފި

ނުކުޅެދުންތެރިކަން ހުންނަ 416 ފަރާތަކަށް ވަޒީފާގެ ފުރުސަތު ފަހިކޮށްދީފި

ނުކުޅެދުންތެރިކަން ހުންނަ ފަރާތްތަކަށް އަބުރުވެރި ދިރިއުޅުމެއް ހޯދައިދިނުމަށާއި، އެ ފަރާތްތައް ބާރުވެރިކުރުވުމަށް ސަރުކާރުން ކުރަމުންދާ މަސައްކަތްތަކުގެ ތެރެއިން މިހާތަނަށް އެފަދަ 416ފަރާތަކަށް ވަޒީފާގެ ފުރުސަތު ފަހިކޮށްދީފައިވާ ކަމަށް ހެލްތު މިނިސްޓަރު ގީލާ އަލީ ވިދާޅުވެއްޖެއެވެ.

އެކަމަނާ މިކަން ހާމަކުރެއްވީ ރައީސް އޮފީހުގައި ބޭއްވި ނޫސްވެރިންގެ ބައްދަލުވުމުގައެވެ.

މިނިސްޓަރު ވިދާޅުވީ، ނުކުޅެދުންތެރިކަން ހުންނަ މީހުންނަކީ މުޖުތަމައުގައި ބާކީނުވެ، ޢިއްޒަތާއި ގަދަރާއެކު ދިރިއުޅޭ ބަޔަކަށް ހެއްދެވުމަކީ ރައީސް ޑރ. މުހައްމަދު މުއިއްޒުގެ މުހިންމު ތަސައްވުރެއ ކަމަށެވެ. އަދި އެ ތަސައްވުރާ އެއްގޮތަށް ސަރުކާރުގެ އޮފީސްތަކާއި ކުންފުނިތައް މެދުވެރިކޮށް އެ ފަރާތްތަކަށް ވަޒީފާ ހަމަޖައްސައިދިނުމުގެ ހާއްސަ މަސައްކަތްތަކެއް ކުރަމުންދާ ކަމަށް ވެސް އެކަމަނާ ވިދާޅުވިއެވެ.

Advertisement
Ooredoo — Square (box)

އަދި ވަޒީފާތަކަށް މީހުން ހަމަޖެއްސުމުގެ އިތުރުން، އެ ފަރާތްތަކަށް މަސައްކަތުގެ މާހައުލަށް އަހުލުވެރިވުމަށް ބޭނުންވާ ޚާއްޞަ ތަމްރީނު ޕްރޮގްރާމްތައް ވެސް ހިންގާފައިވާ ކަން ވެސް ވަޒީރު ފާހަގަކުރެއްވިއެވެ. ވަޒީފާގެ މާހައުލަކީ އެ ފަރާތްތަކަށް ފަސޭހައިން މަސައްކަތްކުރެވޭނެ އެކުވެރި އަދި ރައްކާތެރި ތަނަކަށް ހެދުމަށްޓަކައި މުވައްޒަފުން ހޭލުންތެރިކުރުވުމުގެ ސެންސިޓައިޒޭޝަން ޕްރޮގްރާމްތަކާއި، ގުޅިގެން މަސައްކަތްކުރުމުގެ ހުނަރުތައް ދަސްކޮށްދިނުމުގެ ޕްރޮގްރާމްތައް ވެސް ވަނީ ކުރިއަށް ގެންގޮސްފައެވެ.

މިނިސްޓަރު ފާހަގަކުރެއްވި ގޮތުގައި، މިގޮތަށް ވަށާޖެހޭ އުސޫލަކުން ވަޒީފާގެ ފުރުސަތުތައް ފަހިވެގެން ދިޔުމަކީ އެ ފަރާތްތަކުގެ އާއިލާތަކަށް ލިބިގެންދިޔަ ވަރަށް ބޮޑު ހިތްހަމަޖެހުމަކާއި އުފަލެކެވެ. މި ސިޔާސަތުގެ މައިގަނޑު އަމާޒަކީ ނުކުޅެދުންތެރިކަން ހުންނަ ފަރާތްތައް މުޖުތަމަޢުގެ ކަންކަމުގައި ފުރިހަމައަށް ޝާމިލުކޮށް، އެއްވެސް މީހަކު ބާކީނުކޮށް، އިގުތިސާދީ ގޮތުން އެމީހުން ބާރުވެރި ބަޔަކަށް ހެދުން ކަމަށް މިނިސްޓަރު ވިދާޅުވިއެވެ.

ރިއެކްޝަން

Advertisement
Ooredoo — Square (box)

ކޮމެންޓް

މި ލިޔުމަށް ކޮމެންޓް ކުރުން ވަނީ ބަންދުކޮށްފައެވެ.