Monday, 16 November 2026
Advertisement
STO — McCoy (leaderboard)
ޚަބަރު

ގިނަ ބަޔަކު އިންތިޒާރު ކުރަމުން ދިޔަ "ހުވަފެނީ ތަސްވީރު" ޔޫޓިއުބަށް!

ގިނަ ބަޔަކު އިންތިޒާރު ކުރަމުން ދިޔަ "ހުވަފެނީ ތަސްވީރު" ޔޫޓިއުބަށް!

ކްރިއޭޓިވް ނެޓްވޯކުން އުފައްދާފައިވާ އައު ކްރައިމް ތްރިލަރ ވެބް ސީރީޒް "ޖުންޖުލާ" ގެ ލޯބީގެ ލަވަ ކަމަށްވާ "ހުވަފެނީ ތަސްވީރު" އާންމުންނަށް ދޫކޮށްލައިފިއެވެ.

މީޑިއާނެޓްގެ އޮރިޖިނަލްއެއް ކަމަށްވާ "ޖުންޖުލާ" މިއަދު ވީޑިއޯ ކްލަބުން ޕްރިމިއާ ކުރާނެއެވެ.

https://www.youtube.com/watch?v=8SPX_6NEm0o&list=RD8SPX_6NEm0o&start_radio=1

"ޖުންޖުލާ" ގެ ބިރުވެރި އަދި ސަސްޕެންސްއިން ފުރިގެންވާ ތީމާ ޚިލާފަށް، މި ލަވައިން ފެނިގެންދަނީ ވާހަކައިގެ މަޑުމައިތިރި އަދި ޖަޒުބާތީ ފަރާތެވެ. މި ލަވައިގެ ވީޑިއޯ ނަގާފައިވަނީ ލ. އަތޮޅުގެ ރަށްތައް ކަމަށްވާ ފޮނަދޫ، ގަން، މާންދޫ، އަދި ގާދޫގެ އިތުރުން ފަރުކޮޅުފުށީގައެވެ.

Advertisement
Allied Insurance — Square (box)

ވީޑިއޯއިން މި ރަށްރަށުގެ ގުދުރަތީ ރީތިކަމާއި، ނޫވިލުތަކާއި، ހުދު ދޮންވެލިގަނޑުތަކުގެ އިތުރުން ފެހިކަންގަދަ ގަސްތައް، ލޯބީގެ ވާހަކައަށް ވަރަށް ހިތްގައިމު މަންޒަރުތަކެއްގެ ގޮތުގައި ދައްކުވައިދީފައިވެއެވެ.

މި ލަވައަށް އަޑުއަޅާފައިވަނީ މިހާރު ކުރިއަރަމުން އަންނަ ލަވަކިޔުންތެރިޔާ ނަޞޫޙް އަދި، ގިނަ ބައެއްގެ ލޯބި ލިބިފައިވާ މާއިން ރަޝީދެވެ. ލަވައިގެ ޅެން އީސާ ޝަރީފް ހަދާފައިވާއިރު، މެލޮޑީ އަދި މިއުޒިކް ތައްޔާރުކޮށްފައިވަނީ ޙުސައިން ތައުފީޤެވެ.

މުޅި ލަވައިގެ ކޯރިއޯގްރަފީ އަދި ޑައިރެކްޝަންގެ މަސައްކަތުގެ އިތުރުން އެޑިޓިންގ އާއި ކަލަރ ގްރޭޑިންގ ހަދާފައިވަނީ އަޒްހާން އިބްރާހީމެވެ. މީގެ އިތުރުން ސަމާޙް އިބްރާހީމް (ލައިޓްސްއައުޓް) ސިނެމެޓޯގްރަފީގެ މަސައްކަތް ކޮށްފައިވާއިރު، މޭކަޕް އަދި އިސްތަށިގަނޑު ސްޓައިލްކޮށްދީފައިވަނީ ޖަސްޓިން އެވެ. އަދި ހެދުން ފަރުމާކޮށްފައިވަނީ އައްމުޑިޒައިންސް އިންނެވެ.

"ޖުންޖުލާ" އަކީ އަޒްހާން އިބްރާހީމް ޑައިރެކްޓްކޮށްފައިވާ 10 އެޕިސޯޑުގެ ދިވެހި ކްރައިމް ތްރިލަރ އެކެވެ. އޭނާއަކީ ކްރިއޭޓިވް ނެޓްވޯކްގެ ފީޗަރ ފިލްމު "ލީލީ" ވެސް ޑައިރެކްޓްކުރި ފަރާތެވެ. މި ސީރީޒްގައި ކިޔައިދެނީ ސުޕްރިންޓެންޑެންޓް އޮފް ޕޮލިސް ޒާރާ ކަރީމް (ވާޝިޔާ މުޙައްމަދު) އާއި އޭނާގެ ޕާޓްނަރ ޒުހައިރު (ސާމީ) ގުޅިގެން، ހާސްކަން ބޮޑު ތަޙުޤީޤުތަކެއްގެ ތެރެއިން މައްސަލަތަކެއް ހައްލުކުރަމުންދާ ގޮތުގެ ވާހަކައެވެ. މި ތަޙުޤީޤުތަކުގެ ތެރެއިން ޒާރާގެ މާޒީގެ ސިއްރުތަކެއްވެސް މަޑުމަޑުން ހާމަވެގެންދާނެއެވެ.

މި ސީރީޒް ޕްރިމިއަރ ކުރުމަށް ހަމަޖެހިފައިވަނީ މިއަދު، 3 އޮކްޓޫބަރުގައި ސްޓްރީމިންގ ޕްލެޓްފޯމް "ވީޑިއޯކްލަބް" ގައެވެ. ކޮންމެ ހަފްތާއަކު އާ އެޕިސޯޑެއް ނެރެމުންދާނެއެވެ.

"ހުވަފެނީ ތަސްވީރު" ލަވަ މިހާރު ޔޫޓިއުބުން ބަލައިލެވޭނެއެވެ.

ރިއެކްޝަން

Advertisement
HDC — Sidebar (box)

ކޮމެންޓް

މި ލިޔުމަށް ކޮމެންޓް ކުރުން ވަނީ ބަންދުކޮށްފައެވެ.