Tuesday, 17 November 2026
Advertisement
Allied Insurance (leaderboard)
ޚަބަރު

މަނަދޫގައި އެފްއެސްއެމްގެ ފިއުލް ސްޓޭޝަނުން ރަސްމީކޮށް ޚިދުމަތް ދޭން ފަށައިފި

މަނަދޫގައި އެފްއެސްއެމްގެ ފިއުލް ސްޓޭޝަނުން ރަސްމީކޮށް ޚިދުމަތް ދޭން ފަށައިފި

މަސްވެރިންނަށް ހެޔޮއަގުގައި ރާއްޖޭގެ އެކި ސަރަހައްދުތަކުން ތެޔޮ ފޯރުކޮށްދިނުމަށް ސަރުކާރުން ގެންގުޅުއްވާ ސިޔާސަތުގެ ދަށުން، ނ. މަނަދޫގައި ޤާއިމުކުރި ފިއުލް ސްޓޭޝަނުން ރަސްމީކޮށް ޚިދުމަތް ދޭން ފަށައިފިއެވެ.

ފިއުލް ސަޕްލައިސް މޯލްޑިވްސް (އެފް.އެސް.އެމް)އާއި ސްޓޭޓް ޓްރޭޑިންގ އޯގަނައިޒޭޝަން (އެސް.ޓީ.އޯ) ގުޅިގެން މަނަދޫގައި ތަރައްޤީކުރި މި ފިއުލް ސްޓޭޝަން ރަސްމީކޮށް ހުޅުވާފައި ވަނީ ރޭ އެ ރަށުގައި ބޭއްވި ޚާއްޞަ ރަސްމިއްޔާތެއްގައެވެ.

މި ރަސްމިއްޔާތު ޝަރަފުވެރިކޮށްދެއްވައި، ފިއުލް ސްޓޭޝަންގެ ޚިދުމަތް ރަސްމީކޮށް އިފްތިތާޙު ކޮށްދެއްވީ ރައްޔިތުންގެ މަޖިލީހުގެ މަނަދޫ ދާއިރާގެ ޢިއްޒަތްތެރި މެންބަރު ހުސްނީ މުބާރަކްއެވެ. މީގެ އިތުރުން އެ ރަށުގެ ކައުންސިލް މެންބަރުންނާއި މުއައްސަސާތަކުގެ އިސްވެރިންނާއި ގިނަ އަދަދެއްގެ އާންމު ރައްޔިތުން މި ރަސްމިއްޔާތުގައި ބައިވެރިވިއެވެ.

Advertisement
Ooredoo — Square (box)

މަނަދޫގައި މި ޚިދުމަތް ފެށުމާ އެކު، މަސްވެރިންނަށް މާލެއިން ތެޔޮ ވިއްކާ އަގުގައި މަނަދޫއިން ވެސް ޑީސަލް ލިބެން ހުންނާނެއެވެ. މިއީ ރައީސުލްޖުމްހޫރިއްޔާ ޑރ. މުޙައްމަދު މުޢިއްޒު ރައްޔިތުންނަށް ދިމާވާ ތަކުލީފުތައް ކުޑަކޮށް، އަތޮޅުތަކުގެ އިޤްތިޞާދީ ޙަރަކާތްތަކަށް ލުއިފަސޭހަކޮށްދިނުމަށް ވެވަޑައިގެންފައިވާ ވަޢުދުގެ ތެރެއިން އެޅުނު މުހިންމު ފިޔަވަޅެކެވެ.

މި ސްޓޭޝަންގެ ސަބަބުން މަނަދޫގެ އިތުރުން އެ ސަރަހައްދުގެ މަސްވެރިންނަށާއި ދަތުރުފަތުރު ކުރާ ފަރާތްތަކަށް އަގުހެޔޮކޮށް އަދި ފަސޭހަކަމާ އެކު ތެޔޮ ލިބިގެންދާނެއެވެ.

ރިއެކްޝަން

Advertisement
Ooredoo — Truecaller (box)

ކޮމެންޓް

މި ލިޔުމަށް ކޮމެންޓް ކުރުން ވަނީ ބަންދުކޮށްފައެވެ.